Avtojoldarǵa qatysty málimetti tolyq qamtıtyn mobıldi qosymsha paıda bolady
Qazaqstanda qurylys salasyn e-Qurylys tsıfrly júıesi arqyly qarqyndatyp, jumys tıimdiligin arttyrý josparlanyp otyr. Mınıstrdiń orynbasary aıtqandaı, ekojúıeler táýekelderdi basqarýdyń biryńǵaı platformasyna jınaqtalyp, bul memlekettik basqarýdyń zamanaýı jáne tıimdi júıesin qurýmen qatar, naqty derekter negizinde keshendi, ýaqtyly basqarý sheshimderin qabyldaýǵa múmkindik beredi.
«Jyljymaıtyn múlik nysandaryn jobalaý satysynan bastap ǵımaratty nemese belgili bir qurylysty buzýǵa deıin tsıfrlandyrý (saraptamany, qurylysty jáne paıdalanýdy qosa alǵanda) elimizdiń aýmaqtyq damýyn tıimdi, sapaly, strategııalyq jáne bıýdjettik josparlaýdy qamtamasyz etedi. Qazir qalalyq qurylys kadastry júıesinde salynyp bitken aýmaqtyń ınjenerlik jelileri týraly málimetterdiń 67,4% tsıfrlandyryldy, sondaı-aq tsıfrly bas jospardyń úlesi – 95,2%. Al, dálme-dál josparlaý jobalary 91,7%-ǵa qamtylǵan. 2024 jyldyń sońyna qaraı bul kórsetkishti 100%-ǵa jetkizý josparlanyp otyr», - dedi D. Şeglova AMANAT partııasynda ótken Ekonomıka, kásipkerlik jáne agrarlyq sektor máseleleri jónindegi respýblıkalyq qoǵamdyq keńes janyndaǵy Aqparattyq-kommýnıkatsııalyq tehnologııalar komıtetiniń kezekten tys otyrysynda.
Jaýapty vedomstvonyń ókili zamanaýı sheshimder arqyly dálme-dál josparlaý jobalarynyń bekitilgen bas josparyna saı kelmeıtin 700-den astam faktisi anyqtalǵanyn jetkizdi. Bul rette júıede 2 myńnan astam paıdalanýshy jumys isteıtinin aıta ketý kerek.
Atalǵan e-Qurylys júıesi bıyl maýsymda iske qosyldy. Ol qurylys protsesiniń barlyq qatysýshysyna (tapsyrys berýshi, merdiger, avtorlyq jáne tehnıkalyq qadaǵalaý), sondaı-aq memlekettik organdarǵa óndiristik úderisti avtomattandyrýǵa septigin tıgizip otyr.
«Tyń sheshim arqyly respýblıkalyq 109 avtojoldyń qurylysy 100% júrgizilip keledi. Sonymen qatar, atalǵan júıede 71 turǵyn úı nysany tirkelgen. Qazir munda 9 643 tehnıkalyq jáne avtorlyq qadaǵalaý sarapshysy tartylyp otyr. Júıege 27 869 paıdalanýshy qosylǵan», - dedi mınıstrdiń orynbasary.
Mınıstrlik jol sektoryn tsıfrlandyrýdy Jol aktıvterin basqarý júıesimen qamtyp keledi. Onyń maqsaty – aqaýlardy der kezinde anyqtap, joıý arqyly avtojoldardy jóndeýge jumsalatyn shyǵyndardy ońtaılandyrý. Osylaısha, kúrdeli shyǵyndar azaıady degen boljam bar.
Bıyl osy júıeniń kómegimen respýblıkalyq mańyzy bar joldardyń barlyq uzyndyǵynyń 67%-na (2023 jyldyń sońyna deıin 100%) jol jamylǵysynyń aqaýlaryna baǵalaý júrgizý josparlanǵan.
Sonymen qatar, qarashanyń sońyna qaraı joldardyń ashyq kartasynyń mobıldi qosymshasy ashylady. Onda avtojoldardyń ahýaly, jol boıyndaǵy qyzmet kórsetý nysandarynyń ornalasqan jeri, aqyly ýchaskeler týraly aqparat ornalastyrylady. Sondaı-aq, aýa raıy málimeti jóninde habardar bolýǵa múmkindik beredi.
