Avtojoldardyń sapasyn baǵalaý ólshemsharttaryn qaıta qaraý qajet

ASTANA. KAZINFORM – Qıyrshyq tastar men topyraq tóselgen joldardy qanaǵattanarlyq jaǵdaıdaǵy joldarǵa jatqyzbaý kerek. Bul týraly Májilistegi eldń kólik-logıstıkalyq áleýetin damytýǵa arnalǵan Úkimet saǵatynda depýtat Nurtaı Sabılıanov aıtty.

- Memleket basshysy atap ótkendeı, elimizdegi respýblıkalyq jáne jergilikti joldardyń jaı-kúıine baılanysty azamattarymyzdyń aıtqan syny oryndy. Kólik mınıstrliginiń derekteri boıynsha qanaǵattanarlyq jaǵdaıdaǵy jergilikti mańyzy bar joldar 87 paıyzdy quraıdy. Alaıda, jergilikti joldardyń tek 31 myń shaqyrymynda nemese 44 paıyzynda asfalt-beton jabyny tóselgen. Al qalǵan 39 myń shaqyrymynda nemese 56 paıyzynda qıyrshyq, usaq tastar men topyraq tóselip jatyr. Osyǵan baılanysty qıyrshyq, usaq tastar men topyraq tóselgen joldardy qanaǵattanarlyq jaǵdaıdaǵy joldarǵa jatqyzbaý kerek. Avtojoldardyń sapasyn baǵalaý ólshemsharttaryn qaıta qaraý qajet dep esepteımiz, - dedi Májilis depýtaty. 

Sondaı-aq, ol memleket 100 paıyz qatysatyn «QazAvtoJol» ulttyq kompanııasy» avtomobıl joldarynyń Ulttyq operatory sanalatyndyǵyn atap ótti.

- Biraq ol bir ýaqytta 2 fýnktsııa atqarady. Atap aıtqanda, avtomobıl joldaryn salý jáne olardy rekonstrýktsııalaý, jóndeý men kútip-ustaý men sapasyn baqylaý. ıAǵnı, ol joldy ózi salyp, ózin-ózi baqylaıdy. Osyndaı jaǵdaı Jol aktıvteri sapasynyń ulttyq ortalyǵynda da oryn alýda. Ol jobalarǵa vedomstvolyq saraptamany ózi júrgizedi, tańdaý túrindegi qurylysqa usynystardy ózi beredi jáne merdiger uıymdardyń jumysynan kemshilikterdi ózi tabady. Sóıtip, múddeler qaqtyǵysy týyndaıdy. Al memlekettiń strategııalyq mindetterin iske asyrý kezinde buǵan jol berilmeýi tıis. Budan basqa, jergilikti tehnıkalyq qadaǵalaý qyzmetteri jumysynyń álsizdigi baıqalýda, - dedi. Nurtaı Sabılıanov.