Avtojol jobalarynyń merzimi men sapasyna baqylaý kúsheıtiledi
ASTANA. KAZINFORM — Premer-mınıstrdiń birinshi orynbasary Nurlybek Nálibaevtyń tóraǵalyǵymen avtojol salasy máseleleri jóninde keńes ótti. Bul týraly Úkimettiń baspasóz qyzmeti habarlady.
Talqylaýǵa Kólik, Qarjy, Ulttyq ekonomıka, Ádilet mınıstrlikteriniń, UQK Shekara qyzmetiniń, «QazAvtoJol» UK» AQ-nyń basshylyǵy jáne merdiger uıymynyń ókilderi qatysty.
«Ortalyq — Batys» jobasyn iske asyrý, avtomobıl ótkizý pýnktterin jańǵyrtý, kúzgi-qysqy kezeńde respýblıkalyq mańyzy bar avtomobıl joldaryn kútip-ustaý máseleleri qaraldy.
Atap aıtqanda, «Ortalyq — Batys» jobasy boıynsha jobalaý, qurylys-montajdaý jumystarynyń barysy, jer ýchaskelerin qarjylandyrý, bólý máselelerin qosa alǵanda, ony iske asyrýdyń aǵymdaǵy jaǵdaıy qaraldy.
Avtomobıl ótkizý pýnktterin jańǵyrtýǵa erekshe nazar aýdaryldy. Jumys sapasy, belgilengen merzimderdiń saqtalýy, vedomstvoaralyq sheshimdi talap etetin máseleler talqylandy.
Kúzgi-qysqy kezeńge daıyndyq sheńberinde jol uıymdarynyń respýblıkalyq mańyzy bar avtomobıl joldaryn qysqy kútip-ustaýǵa daıyndyǵy pysyqtaldy. Qajetti tehnıkamen, taıǵaqqa qarsy materıaldarmen qamtamasyz etýge jáne qys mezgilinde qaýipsiz, úzdiksiz qozǵalysty qamtamasyz etýge ázirlikke erekshe nazar aýdaryldy.
Jıyn qorytyndysy boıynsha jaýapty memlekettik organdar men uıymdarǵa problemalyq máselelerdi ýaqtyly sheshýdi qamtamasyz etý, qurylys jumystaryn sapaly júzege asyrý, vedomstvoaralyq úılestirýdi kúsheıtý jáne belgilengen merzimderdiń saqtalýyn qamtamasyz etý tapsyryldy.
Aıta ketelik QazAvtoJol joldardaǵy jańa «aqyldy» kameralardyń ne úshin ornatylyp jatqanyn túsindirgen edi.
