Avtojol salasynda 2020 jylǵa deıin 12 megajoba júzege asyrylady

ASTANA. QazAqparat - Qazaqstannyń avtojol salasynda 2020 jylǵa deıin 12 megajoba júzege asady. Bul týraly búgin Májilistiń Ekonomıkalyq reforma jáne óńirlik damý komıtetiniń keńeıtilgen otyrysynda QR Investıtsııalar jáne damý mınıstriniń birinshi orynbasary Jeńis Qasymbek málim etti. Eske sala keteıik, otyrys barysynda «Nurly jol - bolashaqqa bastar jol» jańa ekonomıkalyq saıasatynyń sheńberindegi kólik ınfraqurylymyn damytý máseleleri talqylanǵan bolatyn.

Mınıstr orynbasary Elbasynyń «Nurly jol» baǵdarlamasyna toqtala kele, ondaǵy birinshi kezektegi mindet avtojoldar salý ekenine nazar aýdardy. Onyń aıtýynsha, bul mindet elimizdiń kóliktik hab qalyptastyrý tujyrymdamasyna da sáıkes keledi ári makroóńirlerdi habtar qaǵıdaty boıynsha qalyptastyrý aıasynda júzege asyrylatyn bolady.

«Buny júzege asyrý úshin eń birinshi kezekte Astanany jáne makroóńirlerdi magıstraldi avtomobıl, temirjol jáne áýe joldarymen shuǵyla prıntspinde baılanystyratyn ınfraqurylym qańqasy qurylatyn bolady. Sonymen qatar, osy maqsatta 2020 jylǵa deıin jalpy quny 2,4 trln. teńgeni quraıtyn 12 megajoba júzege asyrylmaq. Budan bólek, 7,5 myń shaqyrymnan astam avtojol qaıta jańǵyrtylady, al 2015-2017 jyldardyń bıýdjet jobasynda 707 mlrd teńge kózdelip otyr. Bul bizdiń mınıstrliktiń damý bıýdjetiniń 80 paıyzy avtomobıl joldarymen baılanysty degen sóz. Sonymen birge, 2015-2016 jyldary Ulttyq qordan qosymsha 321 mlrd teńge bólý josparlanady. Al 2020 jylǵa deıin qalǵan qarajatty jabý úshin halyqaralyq qarjy uıymdaryn tartý josparda bar», - deıdi J. Qasymbek.