Avtojol qurylysy salasynda 43 mlrd teńge talan-tarajǵa túsken

ASTANA. QazAqparat – Elimizdiń avtojol qurylysy salasynda 43,4 mlrd teńge qarajattyń urlanǵany anyqtaldy, dep habarlaıdy QazAqparat tilshisi.

«Búginde 43,4 mlrd teńgeniń urlanǵany týraly faktilerdi anyqtadyq. Qylmystyq ister boıynsha tıisti tergeý júrgizilip jatyr», - dedi QR Bas prokýratýrasy Qoǵamdyq múddelin qorǵaý qyzmetiniń bastyǵy Saparbek Nurpeıisov vedomstvonyń bıylǵy jumysyn qorytyndylaýǵa arnalǵan baspasóz máslıhatynda BAQ ókilderiniń saýalyna oraı.

Onyń atap ótýinshe, jalpy avtojol salasyna qatysty 28 qylmystyq is Sotqa deıingi tergeýdiń biryńǵaı tizilimine tirkelgen.

«Olardyń bári de baqylaýda tur. Protsess endi ǵana bastaldy. Biraq qorytyndy jasaýǵa áli erte», - dedi ol.