"AvtoVAZ" "Ladaǵa" baǵany kóterdi
ASTANA. 26 qańtar. QazAqparat - Voljsk avtozaýyty 26 qańtardan bastap óz avtomobılderiniń bólshek saýdadaǵy baǵasyn kóteretini týraly habarlady.
Otbasylyq mashınalar Lada Kalina men Lada Priora 3 paıyzǵa qymbattap, "Samaralar" 5,3 paıyzǵa, "jetilikter" 6,3 paıyzǵa, jol tańdamaıtyn Lada 4×4 5,6 paıyzǵa qymbattaıdy. Orta eseppen alǵanda modeldik ret boıynsha avtomobılder baǵasy 4 paıyzǵa kóterilip otyr. Bul týraly "Lenta.rý" habarlady.
"AvtoVAZdyń" ónimderine baǵanyń ósýi "Lada" (Kalina, Samara jáne 4×4) óndirisiniń jumysyn bastaýymen baılanysty bolyp otyr. Munda gaz basqyshtarynyń qozǵaltqyshy elektrlengen. Sondyqtan osyndaǵy jınaqtaýshy jabdyqtar túrine elektr energııasy tarıfteriniń aıtarlyqtaı ósýi osyndaı qymbatshylyqqa jol ashýda.
Voljsk avtomobıl zaýyty ókilderiniń naqtylaýynsha, avtomobıl baǵasynyń ósýine temirge, quryshqa baǵanyń 30 paıyz ósýi qosylǵan joq kórinedi. Bul týraly «Severstal» kompanııasy ótken jyldyń aıaǵynda eskertken bolatyn.
