Avtoúıde turyp jatqan jas otbasy kóligimen el aralaǵysy keledi
Túrkistan oblysynyń týmasy erli-zaıypty Nurjigit Baltabaı men Tomırıs Ábdiqadyr sońǵy bir aı shamasynda avtoúıdi panalap otyr.
«Jalpy avtoúıde turý, avtoúımen saıahat jasaý tájirıbesi shet elderde jaqsy damyǵan. Biz de sony kórip qyzyǵyp, avtoúıde turamyz dep sheshtik. Turyp jatqanymyzǵa bir aı bolyp qaldy. Avtoúıdi habarlandyrý arqyly taýyp, Qaraǵandy qalasynan alyp keldik. Ázirge osynda turamyz, odan ári ýaqyt kórsetedi. Biz Qazaqstannyń biraz óńirinde bolmaǵanbyz. Sondyqtan aldaǵy ýaqytta el aralap, saıahat jasaý oıymyz bar. Elimizdiń ádemi jerlerin óz kózimizben kórgimiz keledi. Qazirdiń
Otaǵasy Nurjigit avtoelektrık bolyp jumys isteıdi, al zaıyby Tomırıs qolónermen aınalysady.
«Bizdiń avtoúıde turý ıdeıamyzdy jaqyndarymyz qoldady. Eshqandaı qarsylyq bildirgen joq. Onyń ústine bul jerde turmysqa qajetti zattardyń bári bar, jaǵdaı jasalǵan. Avtoúıdiń uzyndyǵy - 5 metr, bıiktigi - 3 metrdi quraıdy. Biz úshin yńǵaıly. Bastysy shaǵyn, jınaǵanda kóp ýaqyt almaıdy. Biraq tez jylyp, tez sýıdy. Endi ǵana turyp jatqandyqtan ázirge asa qıyndyq, kedergi bolmady. Ótkende jańbyr jaýǵanda tóbesinen sý aqty, ony jóndedik. Avtonomdy jylý júıesimen jumys isteıdi. ıAǵnı solıarka qoldanamyz», - deıdi erli-zaıyptylar.
Jas otbasy avtoúıde tirshilik etýge qatysty jaıttarmen aldyn ala tanysyp, daıyndalǵan.
«Avtoúıdegi tirshiligimizdiń keıbir sátterin áleýmettik jelige salyp turamyz. Bizge qoldaý tanytyp, ıgi tilegin bildirip jatqan azamattar barshylyq. Arasynda qonaqtardy kútemiz. Osynda turǵaly týystarymyz, joldastarymyz kelip jatyr. Olarǵa bári qyzyq. Joldastarymyz barlyǵyn ózimiz kóteremiz, avtoúımen taýǵa, balyq aýlaýǵa shyǵaıyq dep usynys jasap jatyr. Negizi avtoúıde 4 adamǵa deıin qonýǵa bolady», - dedi jas otbasy.
