Avtoturaq úshin aǵash kesken balmuzdaq zaýytynyń ústinen tekserý bastaldy

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide Almaty oblysy Іle aýdanynda 150 aǵashty kesýge ruqsat bergen ákimdik qyzmetkerleri týraly másele kóterildi, dep habarlaıdy QazAqparat tilshisi.

«Almaty oblysy Іle aýdany ákimdiginiń jaýapty qyzmetkerleri Ótegen aýylyndaǵy Sultan Beıbarys tasjolynyń boıynda ósip turǵan 150-den astam saý eresek aǵashty kesýge zańsyz ruqsat bergen. Balmuzdaq shyǵaratyn zaýyt qyzmetkerleri kólik qoıa almaıtyn bolmaǵandyqtan, 150 túp saý aǵashty kesip, ornyna avtoturaq jasaǵan. Aǵashty zańsyz kesken kompanııaǵa Ekologııa, geologııa jáne tabıǵı resýrstar mınıstrligi tekserý júrgize me? Kompanııa men aǵash kesýge ruqsat bergen ákimdik ókilderi jaýapqa tartyla ma», - dedi saýal ıesi.

Ekologııa, geologııa jáne tabıǵı resýrstar vıtse-mınıstri Álııa Shalabekova atalǵan oqıǵa boıynsha jergilikti deńgeıde tekserý bastalǵanyn atady.

«Qazir bul fakt boıynsha oblystyq aýmaqtyq ınpektsııa tergeý júrgizip jatyr. Sonyń qorytyndysy boıynsha qosymsha aqparat beremiz», - dedi vedomstvo ókili.

Orman sharýashylyǵy jáne janýarlar dúnıesi komıteti tóraǵasynyń mindetin atqarýshy Erlan Qutpanbaevtyń aıtýynsha, ázirge aǵash kesýge ákimdik ókilderi ruqsat bergeni týraly málimet naqtylanbaǵan.

«Ruqsatty kim bergeni jaıynda tekserý jumystary júrip jatyr. Kimniń kináli ekenin, naqty kimniń ruqsat bergenin sol kezde bilemiz. Kimniń ruqsat bergeni, tipti ruqsat berildi me, joq pa? Ázirge onyń bári aıqyndalǵan joq», - dedi komıtet basshysy.