Avtoturaq aqysyn ınternetpen tóleýshiler arasynda jarys ótti
ASTANA. QazAqparat - 5 maýsym men 1 shilde aralyǵynda Astana qalasynyń 20 jyldyǵyna oraı elordadaǵy Nurjol jelekjoly boıynda ornalasqan aqyly kólik turaqtarynyń operatory «Parkýısıa activno» sharasyn ótti. Bul týraly «Astananyń kólik turaǵy keńistigi» JShS baspasóz qyzmeti habarlaıdy.
Shara active uıaly baılanys operatorymen birlese uıymdastyrylǵan jáne Astana kóshe-jol jelisiniń aqyly kólik turaqtary qyzmetin nasıhattaýǵa baǵyttalǵan edi.
Sharaǵa 471 avtokólik ıesi qatysty. Qatysýshylardyń jas shamasyna shekteý qoıylǵan joq, basty shart - turaq aqysyn sms-habarlama arqyly tóleý bolatyn. Shara qorytyndylary boıynsha úsh jeńimpaz anyqtaldy. Tólengen turaq saǵat sanyn eń kóp jınaqtaǵan - K.Jaıyqov bolyp anyqtaldy. Qalanyń basqa bóliginde ornalasqan jekemenshik kompanııanyń qyzmetkerine, bir aı boıy kóligin aqyly turaqtarǵa tegin qoıý quqyǵyn beretin sertıfıkat tabys etildi. Aqyly kólik turaǵyn Y. Qulataı bir apta boıy, al T.Qamytbaeva bir kún boıy tegin paıdala alady.
Bir aıta keterligi, sharanyń alǵashqy eki jeńimpazynyń jumys oryndary Nurjol jelekjolynda ornalaspaǵan. Alaıda, bul jaıt atalǵan júrgizýshilerdiń kommýnaldyq turaq erejelerimen muqııat tanysyp, turaq aqysyn der kezinde tóleýine bóget bolǵan joq. Astana qalasynyń mereıtoıy qarsańynda, bul jeńister avtokólik ıeleri úshin jaǵymdy tosynsyı boldy. Júlde sertıfıkattaryn shara jeńimpazdary úsitimizdegi jyldyń 1-qazanyna deıin paıdalana alady.
Esterińizge sala ketsek, aqyly kólik turaqtary jobasy Astana qalasyndaǵy Nurjol jelekjolynda aǵymdaǵy jyldyń 15-qańtarynan jumys isteı bastaǵan edi. Bul jerde 487 turaq oryny ornalasqan jáne olardyń árqaısysy jol tańbasymen belgilengen. Turaq aqysyn Nurjol jelekjoly boıynda ornalasqan 12 parkomatpen qatar, active, Ksell ( korporatıvtik baılanystan basqa) jáne Beeline abonentteri úshin sms-habarlama kómegimen, jeke kabınet , «Kassa 24» jáne Kaspi termınaly arqyly, sondaı-aq arnaıy mobıldik qosymsha kómegimen tóleýge bolady.
Sóz reti kelgende taǵy da aıta ketelik, turaq aqysy tańǵy 8 -den keshki 8-ge deıingi aralyqta 100 teńge. Tólemaqy turaq sessııasy bastalǵan sátten bastap, alǵashqy otyz mınýt ishinde júzege asyrylýy tıis. Demalys jáne mereke kúnderinde turaqqa kólik qoıý tegin. Parkomattar ornalasqan oryndar, olardy paıdalaný tártibi jáne tólem tásilderi týraly aqparattardy www.2888.kz. saıtynan alýǵa bolady. Sondaı-aq atalǵan aqparatty 8-800-080-28-88 nómirine habarlasyp, bile alasyz.
Kólik turaǵyn tegin paıdalaný quqyǵyna Uly Otan soǵysynyń ardagerleri, ózderi úshin arnaıy oryndar belgilengen birinshi jáne ekinshi top múgedekteri, «Altyn Qyran» jáne «Halyq qaharmany» ordenderiniń ıegerleri», «Altyn Alqa» jáne «Kúmis Alqamen» marapattalǵan kóp balaly analar, Semeı ıadrolyq polıgonyndaǵy jarylystardan zardap shekkender jáne Aýǵanstandaǵy jáne basqa da jaýyngerlik áreketter ardagerleri men múgedekteri ıe. 
