Avtotizbek jáne Máńgilik alaýǵa gúl qoıý: Almatyda Jeńis kúni qalaı atalyp ótti

ALMATY. QazAqparat – 9 mamyrda Almatyda 28 batyr panfılovshy atyndaǵy saıabaqta Ekinshi dúnıejúzilik soǵystaǵy Jeńistiń 76 jyldyǵyna oraı Máńgilik alaýǵa gúl shoqtary qoıyldy, dep habarlaıdy QazAqparat tilshisi.

Saltanatty sharaǵa Desanttyq-shabýyldaý áskerin basqarýshy general-maıor Qýanysh Ábýbákirov, Almaty óńirlik garnızonynyń áskerı qyzmetkerleri, QR Qarýly Kúshteri jáne Aýǵan soǵysy ardagerleri qatysty.

Gúl shoqtary qoıylǵannan keıin avtojúris uıymdastyryldy. Bireýinde Keńes Odaǵy Batyry Ivan Panfılovtyń nemeresi Baıqadamova Alýa Baqytjanqyzy otyrǵan 5 kólikten quralǵan avtotizbek Almaty kóshelerin júrip ótti.

Avtotizbek kórermenderin kontserttik baǵdarlama kútti.

Avtotizbek megapolıs turǵyndaryn Ekinshi dúnıejúzi soǵysy ardagerleriniń portretteri men soǵys kezindegi mýzykamen qýantty.

Avtojúris 28 gvardııalyq panfılovshy saıabaǵynda aıaqtaldy.

Saltanatty sharalar barlyq garnızonda ótti.

Almatyda qazirgi tańda Ekinshi dúnıejúzi soǵysynyń 125 ardageri turady.

Eske alý sharasy 28 panfılovshy saıabaǵyndaǵy Máńgilik alaý aldynda ótti.