Avtosporttan "Dakar" rallıiniń 3-kezeńin "Astana" júk kólikteri arasynda KAMAZ-ben 2-bop aıaqtady
ALMATY. 4 qańtar. QazAqparat /Erlik Erjanuly/ - Avtosporttan Argentınada ótip jatqan áıgili "Dakar" rallıiniń keshe San-Rafael men San-Hýan qalalary aralyǵyndaǵy 3-kezeńdi
"Astana" júk kólikteri arasynda KAMAZ-ben 2-bop aıaqtady. Sonyń nátıjesinde 1-kezeńdi besinshi, ekinshi kezeńdi altynshy bop aıaqtaǵan olar alǵashqy 3 kezeńniń qorytyndysy boıynsha jalpy esepte 6:47.33 ýaqyt kórsetkishimen birinshi orynǵa shyqty. Olardy IVEKA mingen Nıderlandııa-Belgııa, Nıderlandııa-Italııa jáne Nıderlanıdııa ekıpajdary ókshelep kele jatyr. Kóshbasshydan olardyń birinshisi - 0.28 sekýnd, ekinshisi - 1,51 mınýt, úshinshisi 1, 57 mınýt artta keledi.
Bıyl 34-ret uıymdastyrylyp otyrǵan bul dúbirli doda 14 kezeńnen turady. Argentına men Chılı elderiniń aýmaǵynda ótetin bul jarystyń jalaýy 1 qańtarda kóterilgen bolatyn. Jeńimpazdyń esimi 15 qańtarda belgili bolady. 88 mototsıklıst, 32 kvadrotsıklıst jáne 173 jol talǵamaıtyn avtomobıl men 76 júk kólikteri ekıpajdary arasyndaǵy bul saıystyń 4-kezeńi búgin San-Hýana men Chılesıto qalalary aralyǵynda ótedi. Onda jol talǵamaıtyn avtomobılder arasynda "Qazaqstan" ekıpajy jalpy esepte 124-orynda kele jatyr. Olar kósh basyndaǵy Polsha jáne Belgııa sportshylary Kshıshtof Golovchık men Jan-Mark Fortennen 10.11.16 ýaqyt aıyrmashylyǵymen artta qalyp qoıdy.
