Almatyda jaýyn quıyp, aýlalardy sý basty
Almatynyń kommýnaldyq kásiporyndary jaýyn-shashynǵa baılanysty kúsheıtilgen rejımde jumys istep jatyr, dep habarlaıdy QazAqparat ákimdikke silteme jasap.
20 qyrkúıek saǵat 07:00–den bastap Almaty qalasynda jańbyr jaýa bastady, ol túske deıin jaýady dep boljanyp otyr.
Tańerteńgi saǵat 10:00–degi jaǵdaı boıynsha qalada 9 mm jaýyn-shashyn tústi, Kamensk ústirti aımaǵynda — 14 mm.
Sý tasqynynyń aldyn alý úshin 45 patrýldik brıgada, 165 arnaıy tehnıka, 24 motopompa jáne 820 jol jumysshysy jumyldyryldy. 1750 qap qum jınaldy.
Tótenshe jaǵdaı jónindegi jedel kezekshiniń aqparaty boıynsha Bostandyq aýdanyndaǵy Vahtangov kóshesi, 5 mekenjaıynda jeke sektor aýmaǵyn bir ret sý basqan.
«Almaty Tazalyq» MKK kúshimen qulaǵan butaqtan aryq ótkeli tazartylyp, sý tasqyny joıyldy.
Aýdan ákimdikterinde jumys óndirisin baqylaý boıynsha kezekshilik uıymdastyryldy.
«Qazgıdromet» boljamynsha búgin túske deıin jańbyr jaýady.
Ońtústik-batystan soqqan jeldiń ekpini — 13 m/s, aýa temperatýrasy +15 + 17°S.