21 myńnan 1,9 mln-ǵa jetti: Kıik budan bylaı joıylý aldynda turǵan ań emes
Kıik «joıylý qaýpi joǵary» sanatynan «joıylý qaýpi tómen» sanatyna aýysty, dep habarlaıdy Kazinform.
2023 jyldyń 11 jeltoqsanynda Halyqaralyq tabıǵat qorǵaý odaǵy (HTQO) kıiktiń Halyqaralyq qyzyl tizimdegi «joıylý aldynda turǵan» sanatynan «qaýip tónýge jaqyn» sanatyna aýysatynyn jarııalady.
Kıiktiń «joıylý qaýpi joǵary» sanatynan «joıylý qaýpi az» sanatyna aýysýy Qazaqstandaǵy kıik sanynyń kóbeıýine tikeleı qatysty.
Janýar túrlerin qorǵaý jáne sanaq júrgizý jónindegi memlekettik sharalar kesheni respýblıkadaǵy kıik popýlıatsııasyn saqtaý men qalpyna keltirýde aıtarlyqtaı jetistikke jetýge múmkindik berdi.
2003 jyly elimizdegi kıik sany — 21 myń bolsa, 2023 jyly Qazaqstandaǵy kıik sany — 1 mln 915 myńǵa jetken (2023 jylǵy kóktemgi sanaq derekteri boıynsha Qazaqstandaǵy kıiktiń boljamdy sany — 1 915 000 jetip, QazKSR kezeńiniń eń joǵary kórsetkishinen (1 200 000 daraq) asyp túsken.
2006 jyldan bastap Qazaqstan Úkimeti jalpy aýdany — 5 081 485 ga kıik mekendeıtin jerlerde erekshe qorǵalatyn tabıǵı aýmaqtardy qurdy jáne keńeıtti.
Kıiktiń betpaqdala popýlıatsııasyn qorǵaý úshin «Yrǵyz-Torǵaı», «Altyn Dala» memlekettik tabıǵı rezervattary, Oral popýlıatsııasy úshin «Bókeıorda» rezervaty quryldy.
