Qostanaıda aýa raıyna baılanysty eki reıs ushpaı qaldy, ekeýi keıinge aýysty
FlyArystan áýe kompanııasy Qostanaıdaǵy qolaısyz aýa raıyna baılanysty birqatar reısti keıinge qaldyrdy, dep habarlaıdy Kazinform.
Qostanaı qalasynda keshe kún buzylyp, tolassyz qar jaýdy. Aerodromdaǵy qardy kúreý úshin ushý-qoný jolaǵy men termınal jabylady.
Osyǵan baılanysty beısenbige belgilengen myna reıster ushpady:
KS7341 Astana — Qostanaı
KC7342 Qostanaı — Astana
Al kelesi eki reıs keıinge shegerilgen:
KS7141 Almaty-Qostanaı. Ol 1 jeltoqsan kúni saǵat 10:00–de ushady.
KS7142 Qostanaı-Almaty. Bul reıs 1 jeltoqsan kúni saǵat 12:55–ke josparlanǵan.
Atalǵan reıs jolaýshylaryna ystyq tamaq berilip, qonaq úıde ornalasý múmkindigi usynylǵan.
Sondaı-aq, ushpaıtyn reısterdiń jolaýshylary bıletti tegin qaıta brondap nemese tolyq qunyn qaıtara alady.
«Jolaýshylarǵa FlyArystan qosymshasynda jáne uıymnyń resmı saıtyndaǵy laıv chat, 8 702 702 02 27 nómirindegi WhatsApp messenjeri jáne 8 727 331-10-10 baılanys ortalyǵy arqyly qoldaý kórsetiledi» deıdi kompanııadan.
