Avtoshyrsha: Qaraǵandylyqtar merekede erekshe shyrshany tamashalady
QARAǴANDY. QazAqparat – Qaraǵandy oblysy Suryptaý turǵyndary kólikterden jańa jyldyq sulý aǵashty jınady. Aktsııany Instagram blogy uıymdastyrdy, dep habarlaıdy QazAqparat tilshisi.
Improvızatsııalanǵan shyrshany jasaýǵa 35 kólik qatysty. Olar shyrshanyń sulbasyn ımmıtatsııalap, shamdaryn jaqty.
Avtomobılderden quralǵan jańajyldyq aǵashqa aspannan qarasańyz, erekshe áserge bólenesiz.
«Suryptaý saıabaǵynda birneshe jyldan beri shyrsha joq, sondyqtan jubaıymyz ekeýmiz qyzyqty bir nárse oılap tabýdy jón kórdik. Daıyndyqqa bir kún ketti. Qajetti aýmaqty tańdadyq, ony dronmen sholyp shyqtyq, sonan soń bolashaq shyrshanyń shemasyn quryp, qajetti kólikter sanyn sanap shyqtyq. Tanystarymyzǵa qońyraý shalyp, Instagram-da post jazdyq. Biz eshkimnen aqsha suramadyq, barlyǵy jeke jınaqtan», – dedi merekeni uıymdastyrýshylar.
Olar shara barysynda tek kólikter shyrshasymen ǵana shektelip qoıǵan joq. Bul erekshe mereke boldy.
Aktsııany Aıaz ata, anımatorlar men tamada eriktileri qoldady. Jazylýshylar otshashý men tátti syılyqtar satyp aldy.
«Biz shyrshany úıden alyp keldik, ony gırlıandamen bezendirdik. Bul jaqsy foto aımaq boldy. Konkýrstar, oıyndar, án men bı boldy. Balalar jańajyldyq óleńder oqydy. Halyq bul shara týraly paraqshamyzdan estidi jáne bir-birine aıtyp, bizdiń bastama týraly habarlama kópshilikke tarap ketti. Shyn júrekten adamdardyń kóńil-kúıin kótergimiz keldi. Qolymyzdan keldi dep úmittenemiz», – deıdi uıymdastyrýshylar.
