Avtosalondarda satylatyn avtomobılder nege joq – Sklıardyń jaýaby
NUR-SULTAN. QazAqparat – QR Premer-Mınıstriniń birinshi orynbasary Roman Sklıar avtosalondarda satylatyn avtomobıl tapshylyǵyna qatysty pikir bildirdi, dep habarlaıdy, QazAqparat tilshisi.
«Habar-24» telearnasyndaǵy «Suhbat» baǵdarlamasy barysynda birinshi vıtse-spıkerge: «Sizdiń pikirińizshe, avtosalondarda nege kólikter joq? Tapshylyq jasandy túrde jasalǵan sııaqty kórinedi», - dep saýalǵan qoıylǵan bolatyn.
Osy rette Roman Sklıar elimizdegi avtosalondarda kólik tapshylyǵy bar ekendigin jasyrmady.
«Iá, ókinishke oraı solaı. Avtosalondarda otandyq, sondaı-aq shetelde qurastyrylǵan avtomobılder tapshy. Bul jeńil avtokólikterdi qurastyrý barysynda qoldanylatyn elektrondy chıpterdiń tapshylyǵymen baılanysty ekeni belgili. Jaǵdaı birtindep túzelip keledi. Menińshe, jaǵdaı óz arnasyna túsedi jáne kelesi jyldan bastap otandyq ta, sheteldik te avtomobılder jetkilikti bolady dep kútemiz», - dedi birinshi vıtse-premer.
