Avtosalondarda qosymsha jabdyq alýǵa májbúrleý zańsyz - mınıstrlik
«Qazirgi kezde buqaralyq aqparat quraldarynda jáne ınternet-resýrstarda avtokólik satatyn ortalyqtardan avtomobıl satyp alý kezinde olardyń qosymsha jabdyq alýǵa májbúrleýi týraly kóp aıtylyp júr. Osy oraıda kólik ótkizetinderdiń bul áreketteri zańsyz sanalatynyn jáne «Tutynýshylardyń quqyqtaryn qorǵaý týraly» Zańnyń talaptaryna qaıshy keletinin habarlaımyz», - delingen vedomstvo málimetinde.
Bul turǵyda kólik alatyn adamdar osyndaı jaǵdaıda tıisti ókiletti organǵa ótinish tastaýy kerek.
«Eger avtokólik satyp alatyndar osyndaı jaǵdaıǵa tap bolsa, tutynýshylardyń quqyqtaryn qalpyna keltirý úshin avtokólik ortalyǵynyń ataýyn kórsete otyryp, QR Saýda jáne ıntegratsııa mınıstrligi Tutynýshylardyń quqyqtaryn qorǵaý komıtetiniń Nur-Sultan qalasyndaǵy Tutynýshylardyń quqyqtaryn qorǵaý departamentine júginýdi suraımyz», - dep atalyp ótken habarlamada.
Osy oraıda https://eotinish.kz, https://e-tutynushy.kz/, telegram: @kzpp_bot resýrstarynda barlyq qajetti málimetterdi (foto, beıne, túbirtek) tirkeı otyryp, saýaldardy resmı túrde jiberýge bolady.
Sonymen qatar, basqa da suraqtar boıynsha +7 (7172) 74-98-32, 74-98-36, 75-06-49 telefon nómirlerine habarlasý múmkindigi bar. Al oblystyq tutynýshylardyń quqyqtaryn qorǵaý departamentterinen myna siltemede kórsetilgen derekter boıynsha keńes alýǵa bolady.
