Avtosaqtandyrýda jalǵan polısterdiń úlesi qansha

ASTANA. QazAqparat - Qazaqstan qarjygerler qaýymdastyǵynyń basqarýshy dırektory Erlan Býrabaev onlaın-saqtandyrý qandaı nátıje beretinin túsindirip berdi, dep habarlaıdy QazAqparat.

«Elektrondy saqtandyrý boıynsha jasalǵan usynystar saqtandyrý qyzmetteriniń tutynýshylaryn qorǵaýy tıis. Saqtandyrý uıymdarynyń málimetine súıensek, búginde naryqta avtosaqtandyrýdyń jalǵan polısteriniń aınalymy 10-nan 20 paıyzǵa deıin jetip otyr. Atap aıtqanda, tutynýshylar ózderiniń qolynda jalǵan polıs bar ekenin bilmeýi de múmkin. Elektrondy polıster júıesi arqyly bundaı jalǵan qujattar joıylady degen oıdamyz», - dedi Erlan Býrabaev.

Aıta keteıik, búgin Májilistiń Qarjy jáne bıýdjet komıteti men «Nur Otan» partııasynyń Májilistegi fraktsııasy janyndaǵy Ekonomıkalyq saıasat jónindegi keńestiń «dóńgelek ústel» otyrysy ótti. Jıyn barysynda depýtattar «Qazaqstan Respýblıkasynyń keıbir zańnamalyq aktilerine saqtandyrý jáne saqtandyrý qyzmeti máseleleri boıynsha ózgerister men tolyqtyrýlar engizý týraly» zań jobasyn talqylady.

QR Ulttyq bank tóraǵasynyń orynbasary Janat Qurmanov atalǵan zań jobasy aıasynda Qazaqstanda onlaın-saqtandyrýdy engizý kózdelip otyrǵanyn málim etti.

Onyń nátıjesinde turǵyndar saqtandyrý sharttaryn saqtandyrý kompanııalarynyń ınternet-resýrstary arqyly bekitý múmkindigin alady. ıAǵnı adamdar keńseler men saqtandyrý agentterine barmaı-aq osy sharalardy júzege asyrady. Sonymen qatar saqtandyrý sharttaryna ózgerister engizý men saqtandyrý tólemderin alý úshin onlaın baılanys arqyly atqarýǵa bolady.