Avtorlyq quqyqty qorǵaý úshin bıyldan bastap aýdarylatyn kitaptarǵa qatty qadaǵalaý jasalady - M. Qul-Muhammed
qpannyń 24-i. QazAqparat /Ernur Aqanbaı/ - Mádenıet jáne aqparat mınıstrligi avtorlyq quqyqty qorǵaý úshin bıyldan bastap aýdarylatyn kitaptarǵa qadaǵalaýdy kúsheıtetin bolady.
Bul týraly búgin Astanada ótken 2009-2011 jyldarǵa arnalǵan «Mádenı mura» Ulttyq strategııalyq jobasyn júzege asyrý jónindegi Qoǵamdyq keńestiń kezekti otyrysynda Mádenıet jáne aqparat mınıstri Muhtar Qul-Muhammed aıtty, dep habarlaıdy QazAqparat.
Onyń sózine qaraǵanda, kitap shyǵarý isinde problemalar barshylyq. Mınıstrliktiń tapsyrysy boıynsha baspalar konkýrstarǵa qatysyp, jeńip alǵannan keıin sheteldegi kózi tiri avtorlardyń orys tilinde shyqqan týyndylarynyń nusqasyn qazaqshaǵa aýdaryp, basyp shyǵaryp jatyr. Osyǵan baılanysty sheteldik avtorlardan mınıstrlikke kóptegen shaǵymdar kelip túsýde. Olar avtorlyq quqyqtarynyń saqtalmaǵandyǵyna, qalamaqynyń tólenbegendigine narazylyqtaryn bildiredi. «Sheteldik avtorlar mundaıǵa selqos qaraı almaıdy. Baspagerler qalamaqy tóleýdi, avtormen baılanys degendi umytqan. Biz Bern konventsııasyna múshemiz. Sondyqtan halyqaralyq avtorlyq quqyqty saqtaýymyz kerek. Eger avtordyń kózi tiri bolsa, odan ruqsat alý kerek. Al, eger avtor dúnıeden ozǵan bolsa, 50 jylǵa deıin onyń avtorlyq quqyǵy urpaqtarynyń birine beriledi. Sondyqtan bıyldan bastap aýdarylatyn kitaptardy qatty qadaǵalaý qajet. Bul jumysty mádenıet, aqparat komıteteriniń basshylaryna tapsyramyn», dedi M. Qul-Muhammed.
Mınıstr mundaı dúnıeler qazaqstandyq avtorlarǵa da qatysty qoldanylyp jatqanyn atap ótti. «Osydan 10-20 jyl buryn dúnıeden ótken, tipti kózi tiri ǵalym-aǵalarymyzdyń avtorlyǵymen shyqqan dúnıelerdi baspalar basyp jatyr. Basqany durys, biraq ol kisilerdiń avtorlyq quqyǵyn qurmetteý kerek qoı, qalamaqysy qaıda? Maǵan hat jazady, telefon soǵady. Biz mundaıdy doǵarýymyz kerek», dedi mınıstr.
