Avtorlyq quqyq salasynda ótinimder turaqty ósip keledi - B. Imashev

ASTANA. QazAqparat - Avtorlarǵa tólengen syıaqy somasy edáýir artty. Búgin Astanada halyqqa esep berý kezdesýinde QR Ádilet mınıstri Berik Imashev osylaı málim etti.

Zııatkerlik menshikti qorǵaý baǵytyna toqtalǵan mınıstr: «Sońǵy tórt jylda ónerkásiptik menshik nysandaryna berilgen qorǵaý qujattary 40 paıyzǵa ósti. Onyń ishinde negizgi úlesin (82,7 paıyz) taýarlyq belgiler qurap otyr»,-dedi.

Onyń sózine qaraǵanda, avtorlyq quqyq salasynda quqyqtardy tirkeý úshin ótinimder turaqty ósýde. Bul óz kezeginde kommertsııalyq baǵyttyń, avtorlardyń ózderiniń quqyqtaryn qorǵaýdyń jandanýyn baıqatyp otyr.

«Avtorlyq quqyqtardy ujymdyq basqarý boıynsha kompanııalarmen sońǵy jyldary jınalǵan jáne avtorlarǵa tólengen syıaqy somasy aıtarlyqtaı artqan. 5 jylda onyń kólemi úsh ese ósti. Jınalǵan syıaqynyń jartysynan astamy (53 paıyzy) qazaqstandyq avtorlarǵa aýdaryldy»,-dedi B. Imashev.