Avtooryndyqtardy satyp alýshylar qatary kúrt kóbeıgen
ASTANA. QazAqparat - Elimizdegi jol erejesindegi jańa ózgeristerden keıin turǵyndar avtooryndyq izdeýge kiristi, dep jazady 24.kz.
Jurtqa baǵanyń qoljetimdi bolǵany kerek. Al dúkenderdiń saýdasy qyzdy. Aıta keteıik, jańa zańǵa sáıkes, júrgizýshi 12 jasqa tolmaǵan balany arnaıy oryndyqta alyp júrýi tıis.
Bul zań erteńnen bastap kúshine enedi. Avtoryndyq satylatyn arnaıy dúkende saýda qyzǵan. Sóredegi taýar qatary da sırepti. «Bos oryndardy qoımadaǵy taýarmen toltyryp jatyrmyz», - deıdi satýshy. Tipti aldynala tapsyrys berip qoıǵandar da joq emes. Nebary 2 kúnniń ishinde 20-dan astam avtoryndyq satylyp ketken eken.
Satýshylardyń aıtýynsha, zań kúshine enedi degennen bastap taýarǵa degen suranys artqan. Aıta keteıik, avtoryndyqtyń eń tómengi quny 17 myńnan bastalyp 120 myń teńgege deıin jetedi.
