Avtonomdy jylytý júıesi bar úılerde órt qaýipsizdigindegi kemshilikter anyqtaldy
NUR-SULTAN. QazAqparat – QR Tótenshe jaǵdaılar mınıstri ıÝrıı Ilın jeke turǵyn úı sektorynda pesh ornatý salasyndaǵy bilikti mamandardyń tapshylyǵy týraly aıtty, dep habarlaıdy QazAqparat tilshisi.
«Avtonomdy jylytý júıesi bar 550 myńnan astam úı (559 622) aralap tekserýmen qamtyldy, onyń 140 myńnan (140 475) astamynda eki júz myńnan astam órt qaýipsizdigi erejesin buzý jaǵdaıy anyqtaldy», - dedi mınıstr Úkimet otyrysynda.
Onyń sózine qaraǵanda, ákimdikter qarajaty men demeýshilik kómek esebinen qaýipti gaz kontsentraty men janatyn zattardy anyqtaıtyn 12 myńnan astam datchık ornatyldy. Bıyldyń sońyna deıin taǵy 11 myńnan astam datchık ornatý josparda bar.
«Órtterdiń 12 paıyzdan astamy peshti paıdalaný kezindegi talaptardy saqtamaý saldarynan oryn alady. Negizinen olar pesh salynyp nemese ornatylyp jatqan kezde eskerilmeıdi. Sonymen qatar tıisti bilikti mamandar tapshy. Al tútin jáne jeldetkish kanaldaryn tazalaıtyn nemese olarǵa jóndeý jumystaryn júrgizip qyzmet kórsetetin uıymdar akkredıtteýge jatpaıdy. Pesh jabdyqtaryn paıdalaný kezindegi órt qaýpin azaıtý úshin ákimdikter men TKSh salasyndaǵy ýákiletti organǵa mamandardy oqytý erejelerin ázirleý jáne qyzmet kórsetýshi uıymdardy akkredıtteý máselesin pysyqtaý qajet», - dedi ıÝ. Ilın.
