Avtonomdy qazandyqtarǵa qajet kómir qory 51 paıyzǵa daıyndalǵan

ASTANA. KAZINFORM — Sý burý jelilerin jóndeýde eki óńir artta qalyp otyr. Bul týraly QR Ónerkásip jáne qurylys mınıstri Ersaıyn Naǵaspaev málim etti.

- Óńirlerde ınjenerlik ınfraqurylym boıynsha da jóndeý jumystary júrgizilip jatyr. Sýmen jabdyqtaý jelileriniń 973 shaqyrymynyń 632-si jóndelgen. Sý burý jelileriniń – 172 shaqyrymnyń shamamen 104 shaqyrymy jóndeldi. Tómen kórsetkishter Almaty qalasynda, Ulytaý, Mańǵystaý oblystarynda oryn alyp otyr, - dedi E.Naǵaspaev Úkimet otyrysynda.

Sonymen qatar jylytý maýsymynyń turaqty ótýi maqsatynda avtonomdy qazandyqtardyń daıyndyǵyna monıtorıng júrgizilip jatyr.

Ákimdikterdiń málimeti boıynsha qazir 11 200 avtonomdy qazandyq daıyn, bul elimiz boıynsha 85 paıyzdy qurady (jospar 13 168).

- Avtonomdy qazandyqtar úshin kómir qory 51 paıyzǵa daıyndalǵan (1 092 myń tonna - josparda 2 145 myń tonna), mazýt qory 91 paıyzǵa (20 myń tonna - josparda 22 myń tonna), dızel otyny 30 paıyzǵa (29 myń tonna - josparda 74 myń tonna) daıyn, - dedi mınıstr.

Budan buryn habarlanǵandaı, Úkimette jylý berý maýsymyna daıyndyǵy tómen óńirler ataldy.