Avtonesıe berý sharttary jeńildeı me
ASTANA. KAZINFORM — QR Ónerkásip jáne qurylys mınıstrligi azamattarǵa avtonesıe bergende, boryshtyq júkteme koeffıtsıentin (BJK) esepke almaýdy usyndy. Bul týraly Úkimette otyrysynan keıingi brıfıngte sala mınıstri Ersaıyn Naǵaspaev málimdedi.
— Bul — bizdiń mańyzdy usynysymyz ári biz ony qoldaımyz. Al qazirgi tártip jyl sońyna deıin kúshinde bolady. Degenmen, biz Úkimetke atalǵan usynysty engizdik. Bul bastamany Ulttyq bank te qoldaıdy dep úmittenemiz, — dedi mınıstr.
Mınıstrdiń aıtýynsha, usynylyp otyrǵan ózgeriske sáıkes, avtonesıe rásimdeý kezinde boryshtyq júkteme koeffıtsıenti esepke alynbaıdy. Al salyqtyq mindettemeler burynǵydaı saqtalady.
Eske salaıyq, buǵan deıin elimizde avtonesıege suranys 11 paıyzǵa azaıǵanyn jazǵanbyz.
