Avtonesıe: 761 adamnyń tizimindegi oryndy basqa adamǵa satý múmkin emes - Ónerkásipti damytý qory
ASTANA. QazAqparat – «Ónerkásipti damytý qory» AQ basqarma tóraǵasynyń orynbasary Rınat Gapparov jeńildetilgen avtonesıege ótinimi tirkelgen 761 adamnyń tizimindegi oryndar satylyp jatqany týraly aqparatqa túsinikteme berdi, dep habarlaıdy QazAqparat tilshisi.
«Іriktelgen tizimdegi oryndy satý nemese ózgege berý múmkin emes. Ol ótinimde azamattyń búkil derekteri: JSN, aty-jóni tirkelgen. Sondyqtan bógde adam onyń atynan nesıe ala almaıdy. Sondyqtan ondaı habarlamalarǵa senbeńizder. Óıtkeni bul alaıaqtar bolýy kerek», - dedi Rınat Gapparov brıfıngide.
Sondaı-aq, autonesie.kz saıty bottardan qorǵalǵanyn eske saldy.
«Bottarǵa kelsek, ótinim berý kezinde antıbot jumys isteıdi. Sondyqtan bottar ótinimin tirkeı almaıdy. Baǵdarlamanyń kishigirim olqylyqtaryn rettegennen keıin aı saıyn jumys isteıdi. Kelesi aıda qashan bastalatynyn qosymsha habarlaımyz», - dedi Rınat Gapparov.
