Avtomobılderge gaz ballony jabdyǵyn ornatýda zań buzý kóbeıgen
ASTANA. KAZINFORM – Elimizde avtomobılderge gaz ballony jabdyǵyn ornatýǵa qatysty jaýapkershilik kúsheıtilmek. Bul máseleni Premer-Mınıstr Oljas Bektenov kóterdi.
«Gazben júretin avtomobıl sanynyń jyl saıyn ósip kele jatqanyn eskere otyryp, gaz-ballondy jabdyqty ornatý kezinde zańnamany buzý faktileriniń sany da artyp keledi. Mundaı jaǵdaılar azamattardyń ómirine qaýip tóndiredi. Sondyqtan Іshki ister mınıstrligi jáne Energetıka mınıstrlikterine kólikti qaıta jabdyqtaý jáne tehpasportta tıisti belginiń bolmaýyna baılanysty kásipkerlerdiń jaýapkershiligin kúsheıtý jóninde sharalar qabyldaýdy tapsyramyn», - dedi Oljas Bektenov Úkimet otyrysynda.
Sonymen qatar Úkimet basshysy Energetıka mınıstrligi syǵymdalǵan gaz óndirisin yntalandyrý jónindegi jumysty jandandyrý qajettigin aıtty.
«Jaýapty memlekettik organdar men uıymdar gaz salasyn damytýdyń 2026 jylǵa deıingi keshendi josparynyń is-sharalaryn sapaly jáne ýaqytyly iske asyrýdy jalǵastyrsyn», - deıdi ol.
