Avtomobıl joldary alańynda 310 bos demalys alańy bar
NUR-SULTAN. QazAqparat - Bıyl 12 naýryzda abattandyrylǵan sanıtarlyq toraptarmen servıstiń 11 pavılonyn ornatý boıynsha kelisimge qol qoıyldy. Bul týraly QazAqparat «QazAvtoJol» UK» AQ-nyń baspasóz qyzmetine silteme jasap habarlaıdy.
«Taraz-Qaınar» aqyly ýchaskesinde 11 jyly dárethana ornatylady.
2021 jylǵy 12 naýryzda abattandyrylǵan sanıtarlyq toraptarmen servıstiń 11 pavılonyn ornatý boıynsha kelisimge qol qoıyldy. Shaǵyn jáne orta bıznesti qoldaý sharalary aıasynda demalys alańdarynda «Feanor» JShS jáne «SÁTNUR» JK jeke ınvestorlarynyń esebinen jol boıyndaǵy qyzmetterdi usyna otyryp, servıstiń zamanaýı modýldik pavılondary ornatylady», - delingen «QazAvtoJol» UK» AQ-nyń baspasóz habarlamasynda.
Baspasóz qyzmeti habarlaǵandaı, búgingi tańda aqyly jáne josparlanǵan aqyly avtomobıl ýchaskeleriniń boıynda 310 bos demalys alańy bar.
«Osy oryndarǵa «QazAvtoJol» UK» AQ barlyq múddeli tulǵalardy qoljetimdi sharttarmen jol boıyndaǵy qyzmet kórsetý jáne saýda salasynda bıznes bastaýǵa shaqyrady.
Demalys alańdaryn jaýapty saqtaýǵa berý mehanızmi eki negizgi alǵyshartty qarastyrady: kásipker demalys alańy aýmaǵyndaǵy tazalyqty qadaǵalap, jyly ájethanalary (sanıtarııalyq-gıgıenalyq toraptary) japsarlas salynǵan modýldik pavılondar ornatýy tıis. Bul rette «QazAvtoJol» UK» AQ elektr qýatyn, uńǵyma men septık qurylǵylaryn júrgizý múmkindigin qarastyrady. Budan basqa, demalys alańynan jóndeý, qar tazalaý jáne qoqys shyǵarýdy óz moınyna alady«, - delingen baspasóz habarlamasynda.
Sondaı-aq, shaǵyn bıznesti qoldaý úshin alańdar tegin negizde jaýapty saqtaýǵa beriledi. Jergilikti kásipkerlerge basymdyq beriledi. Jaýapty saqtaý alańyn alý úshin áleýetti ınvestor «QazAvtoJol «UK» AQ saıtynda qajet www.qaj.kz «jol boıyndaǵy servıs» bólimine kirip, obektiler sanatyn tańdap, ótinim qaldyrý kerek.
