Avtomobıl joldary komıteti jyldyq josparyn bekitti
ASTANA. KAZINFORM — Avtomobıl joldary komıtetiniń tóraǵasy Tólegen Abdýllın Qazaqstan jol ǵylymı-zertteý ınstıtýty men Jol aktıvteri sapasynyń ulttyq ortalyǵynyń bıylǵy jylǵa mejelengen jumys josparymen tanysty. Bul týraly Kólik mınıstrligi málim etti.
Avtomobıl joldarynyń sapasyn arttyrý men jol-qurylys salasyn ilgeriletýge arnalǵan ǵylymı, normatıvtik-quqyqtyq jáne praktıkalyq sharalar toptamasy talqylandy.
Usynylǵan josparlarǵa sáıkes, ǵylymı-zertteý ınstıtýty bes ǵylymı-zertteý jumysyn ázirleýdi, sondaı-aq avtomobıl joldaryn jobalaý, salý, jóndeý jáne kútip-ustaý máselelerin qamtıtyn 15 standart pen normatıvtik-tehnıkalyq qujatty daıyndaýdy kózdep otyr. Jeke baǵyt retinde avtojol salasynyń mamandarynyń kásibı biliktiligin arttyrýǵa kóńil bólinedi.
— JASUO bekitilgen josparlar sheńberinde 20 myń shaqyrym avtomobıl jolyn dıagnostıkadan ótkizýdi, sondaı-aq oryndalǵan jumystar men qoldanylǵan materıaldardyń sapasyn tekserý maqsatynda shamamen 40 myń saraptama júrgizýdi josparlap otyr, — delingen habarlamada.
Sondaı-aq «E-Joldar» tsıfrlyq platformasyn odan ári damytý, onyń fýnktsıonaldyǵyn keńeıtý jáne salalyq úderisterde qoldaný, normatıvtik-quqyqtyq bazany jetildirý, sonymen qatar vedomstvoaralyq ózara is-qımyldy qamtamasyz etý máseleleri qaraldy.
Іs-shara aıasynda Avtomobıl joldary komıtetiniń tóraǵasy Tólegen Abdýllın salanyń barlyq qatysýshylarynyń úılesimdi, ári birlese jumys atqarýynyń mańyzdylyǵyn sóz etti.
— Qoıylǵan mindetterdi oryndaý tek birleskenjáne úılesimdi áreket arqyly múmkin. Jol salasynyń turaqty damýyn qamtamasyz etip, Memleket basshysy qoıǵan tapsyrmalardy júzegeasyrý úshin júıeli jumys qajet,— dedi TólegenAbdýllın.
Talqylaý nátıjesinde aldaǵy jumys baǵyttary aıqyndalyp, josparlanǵan is-sharalardy belgilengen merzimde júzege asyrý qajettiligi sózge tıek etildi.
Eske sala keteıik, buǵan deıin Kólik mınıstrligi 2026 jyly 11 myń shaqyrym jol jóndelip, salynatynyn málimdegen edi.