Avtomobıl saýdasy qaı aımaqta qyzyp tur
ASTANA. QazAqparat - Qazaqstandyq avtobıznes qaýymdastyǵy elimizdegi kólik saýdasynyń aldyn ala qorytyndysyn jarııalady, dep habarlaıdy QazAqparat tilshisi.
«Qazaqstandaǵy ustalǵan kólikterdi birge eseptegende qarasha aıynda 79 054 mashına satyldy. Al sońǵy 11 aıdyń qorytyndysy boıynsha 801 438 kólik satylǵan», - delingen uıymnyń resmı habarlamasynda.
Qarasha aıynda kólik saýdasy qyzyp turǵan aımaqtardyń tiziminde Almaty oblysy (11 573) birinshi orynǵa shyqty. Odan keıin Ońtústik Qazaqstan oblysy (10 777), Almaty (9 966) men Astana (6 350) qalalary keledi. Qalǵan aımaqtardyń kórsetkishi 2 500 - 5 500 kólikti qurap otyr. Al eń az kólik Soltústik Qazaqstan oblysynda (1 894) satyldy.
