Avtomobıl eki jasar balany birneshe shaqyrymǵa súırep áketken
ASTANA. QazAqparat - Reseıdiń Sverdlov oblysyndaǵy Kamensk-Ýralskıı qalasynda oqys oqıǵa oryn aldy. Avtomobıl ózimen birge eki jasar balany birneshe shaqyrymǵa súırep ketken.
Quqyq qorǵaý organdarynyń málimetine qaraǵanda, keleńsiz jaǵdaı Mehanızatorlar kóshesindegi nómiri 1 úıdiń mańynda bolǵan. Qyz bala óziniń 8 jastaǵy aǵasymen birge kóshede oınap júrgen. Olar ózderiniń qasynan táteleri, atalary men ájeleri mingen «Shevrole-Nıvanyń» jaılap ketip bara jatqanyn kórip, qýyp jetpek bolady.
Shamasy, kólik ornynan qozǵalǵan kezde qyz bala onyń sońynan ilese júgirgen. Sondyqtan júrgizýshi ony kórmegen. Al búldirshinniń kúrtkesiniń kapıýshony temir ilgekke ilinip qalǵan. Ony kóliktegilerdiń eshqaısysy baıqamaǵan. Qala kósheleriniń birinde mashına toqtaǵan mezette joldan ótip bara jatqandar qyzdyń kúrtksiniń jaǵasyn farkoptan shyǵaryp úlgergen.
Zardap shekken bala shuǵyl aýrýhanaǵa jetkizildi.
