Avtomektepterge qoıylatyn talaptar qaıta kúsheıtilýi múmkin
ASTANA. KAZINFORM – ІІM Ákimshilik polıtsııa komıtetiniń tóraǵasy Qaısar Sultanbaev ortalyq kommýnıkatsııalar qyzmetinde ótken baspasóz máslıhatynda avtomektepterge qoıylatyn talaptardyń álsireý kólik tizgindeýshilerdiń sapasyna keri áser etkenin moıyndady.
«Avtomektepterdi ózin-ózi retteýge kóshirý úshin zańnamany kezeń-kezeńimen álsiretý osy salada baqylaýdy joǵaltqanyn moıyndaımyz. Búginde 747 oqý ortalyǵy jumys istep tur. 2018 jyldan bastap avtomektep ashý úshin lıtsenzııalar men ruqsattar qajet emes. 2020 jyly olardyń qyzmetine memlekettik baqylaý toqtatyldy. Sapasyz daıyndyq úshin qoldanylyp kelgen ákimshilik jaýapkershilik alynyp tastaldy», - dedi Qaısar Sultanbaev.
Aıtýynsha, osynyń saldarynan oqý protsesin qaǵaz júzinde júrgizý beleń alǵan.
«Kóptegen mektepterde qajetti materıaldyq baza joq. Avtomektepter qyzmeti biz kútkendeı ózin-ózi retteı alǵan joq. Osy qyzmettiń barlyq baǵyttarynda daıyndyq pen jaraqtandyrý sapasynyń tómendegenin baıqap otyrmyz. Sondyqtan, qazir salaǵa tártip ornatý sharalaryn qabyldap jatyrmyz», - dedi komıtet basshysy.
