Avtomektepterdi ashý habarlamadan ruqsat berý tártibine kóshirilmek

- Tártip saqtaýdy kúsheıtý jáne zańbuzýshylyqtardy boldyrmaý maqsatynda júrgizýshi kýáligin berý kezinde kezeń-kezeńimen keshendi sharalar qabyldanyp jatyr. Máselen, júrgizýshilerdi daıarlaý, emtıhandardy qabyldaý jáne júrgizýshi kýálikterin berý qaǵıdalaryna túzetýler engizildi. A, V, A1, V1 sanattaryna óz betinshe daıyndalý arqyly emtıhandardy tapsyrý múmkindigi alynyp tastaldy. Sondaı-aq emtıhan synyptaryn tehnıkalyq jaraqtandyrý (bıometrııalyq sáıkestendirý, beınejazba, metal izdegishterdi paıdalaný) boıynsha eń tómengi talaptar belgilendi,- dedi ol.

Birinshi vıtse-premerdiń málimetinshe, kórineý jalǵan oqytýdy boldyrmaý úshin kásiptik birlestikterdiń aqparattyq júıesi arqyly oqýshylardy (kandıdattardy) esepke alý engizildi. 2025 jylǵy qańtardan bastap Іshki ister mınıstrligi «Azamattarǵa arnalǵan úkimet «memlekettik korporatsııasy» KeAQ-pen birlesip. «Avtomektep» avtomattandyrylǵan aqparattyq júıesin paıdalana bastady. Onda 727 oqý uıymy jáne 408 myń oqýshy tirkelgen.

- «Avtomektep» júıesiniń fýnktsıonaly júrgizýshilerge kandıdattardy elektrondyq tirkeýdi, olardy medıtsınalyq esepke alý jáne basqarý quqyǵynan aıyrý turǵysynan tekserýdi júzege asyrýǵa, oqytýshylar men oqý avtokólikteriniń esebin júrgizýge, sondaı-aq kýrstardy aıaqtaǵany týraly kýálikterdi elektrondyq túrde resimdeýge múmkindik beredi. Sondaı-aq, júrgizýshilerdi daıarlaýdyń ashyqtyǵy men sapasyn arttyrý úshin avtomektepterdi ashýdy habarlamadan ruqsat berý tártibine kóshirýdi, kásiptik birlestikterge mindetti múshelikti jáne atalǵan uıymdardyń basshylaryna qoıylatyn talaptardy arttyrýdy kózdeıtin zańnamalyq túzetýler daıyndaldy, - dedi Roman Sklıar.

Aıta keteıik, kólik júrgizýshilerin daıarlaý qaǵıdalaryna sáıkes, avtomektepterdiń qyzmetin esepke alý jáne oqý toptaryn tirkeý protsesin avtomattandyrý maqsatynda «Avtomektep» aqparattyq júıesi ázirlendi.