Avtomektepter ІІM ruqsatymen ǵana ashylatyn bolady

ASTANA. KAZINFORM — Avtomektepter Іshki ister mınıstrliginiń ruqsatymen ǵana ashylatyn bolady. Bul týraly Іshki ister mınıstri Erjan Sádenov aıtty.

Onyń atap ótýinshe, jol qaýipsizdigi salasynda tsıfrlyq sheshimder engizilip jatyr. Nátıjesinde 19 myń júrgizshi ákimshilik qamaýǵa alynyp, 22 adam júrgizýshi kýáliginen aıyryldy. 

— Osyǵan qaramastan joldardaǵy jaǵdaı kúrdeli. Apattyń birneshe sebebi bar. Júrgizýshilerdiń daıyndyq deńgeıi tómen. Olar jyldamdyqty asyryp, basyp ozý kezinde táýekelge barady. Rýlde uıyqtap ketedi, — dedi Erjan Sádenov ІІM-de ótip jatqan Úkimet saǵatynda.

Mınıstrdiń atap aıtýynsha, 2018 jyldan beri avtomektepterde memlekettik baqylaý joq.

— Bárin ornyna qoıamyz. Ótken jyly ózdiginen daıyndyqty joıdyq. Barlyq avtomektepti esepke aldyq. Kýrstar týraly kýálik pen medıtsınalyq anyqtamany elektrondy formatqa aýystyrdyq. Avtomektepterdi ashý kezinde ruqsat berý tártibi boıynsha túzetýler engizemiz, — dedi ol.