Avtomektepte oqymastan jeńil avtokólikti basqarýǵa júrgizýshi kýáligin alýǵa bolady
ASTANA. QazAqparat - Júrgizýshi kýáligin berý boıynsha memlekettik qyzmet kórsetýdi ońtaılandyrý sheńberinde, Emtıhandar qabyldaý jáne júrgizýshi kýálikterin berý týraly qaǵıdalaryna (QR ІІM 2014 jylǵy 2 jeltoqsandaǵy № 862 buıryǵy) azamattarǵa avtomotokólik (mototsıklder jáne jeńil avtokólikter) quraldaryn basqarý quqyǵyn beretin júrgizýshi kýáligin alý kezinde emtıhan tapsyrýǵa derbes daıyndalýǵa múmkindik beretin norma engiziledi.
Kórsetilgen jańashyldyqtar QR Ádilet mınıstrliginde normatıvtik quqyqtyq aktini memlekettik tirkeýden ótkizip jáne ony jarııalanǵan keıin kúshine enedi.
«Júrgizýshi kýáligin alýǵa úmitkerler óz betimen daıyndalǵan jaǵdaıda tek mamandandyrylǵan halyqqa qyzmet kórsetý ortalyqtarynda ǵana emtıhan tapsyratynyn atap ótken jón. Sonymen qatar, atalǵan norma kásibı júrgizýshilerge taralmaıdy (S,D,E sanattary jáne tıisti sanattar). Osylaısha, jekeleı daıyndalý quqyǵyn jeńil avtokólik nemese mototsıkl basqarǵysy keletin júrgizýshiler paıdalana alady (A,V sanattary jáne tıisti sanattar)»,-dep atap ótilgen QR Іshki ister mınıstrliginiń málimetinde.
Emtıhan qabyldaý rásimi burynǵydaı bolyp qala beredi, teorııalyq jáne tájirıbelik eki kezeńnen turady. Kólik quralyna júrgizýshilik kýáligin alýǵa úmitker 40 mınýt ishinde teorııalyq emtıhan tapsyrady jáne 32 suraqqa durys jaýap bergen jaǵdaıda tájirıbelik emtıhan tapsyrýǵa jiberiledi.
Tájirıbelik emtıhandy tapsyrý kezinde úmitker 20 mınýt ishinde belgili bir marshrýtpen ózara baılanysty 12 synaq jattyǵýlaryn oryndaýǵa tıis, bul rette aıyp baldary 100-den aspaýy kerek.
