Avtomektep tálimgerleri arasynan jol erejesin úzdik biletin kýrsant tańdap alyndy
PETROPAVL. QazAqparat - «Jol qozǵalysynyń qaýipsizdigi aptalyǵy» respýblıkalyq aktsııasynyń aıasynda jergilikti polıtsııa qyzmetiniń ókilderi avtomektepterdiń kýrsanttarynyń arasynda jol erejesin meńgerý boıynsha konkýrs uıymdastyrdy, dep habarlaıdy QazAqparat SQO ІІD-niń baspasóz qyzmetine silteme jasap.
Atalmysh sharaǵa 5 mektep ókilderi qatysty. Shara mamandandyrylǵan halyqqa qyzmet kórsetý ortalyǵynyń bazasynda ótti. Baıqaýdyń birinshi kezeńinde konkýrsqa qatysýshylar kompıýterlik testileý boıynsha 40 saýalǵa jaýap bere otyryp, jol erejesin qanshalyqty jetik meńgergendikterin kórsetti. Odan soń avtodromda tájirıbelik synaqtan ótti. Úmitkerler onda bıikke qalaı kóterilý kerek, kóshelerdyń qıylysynda qalaı burylý kerek, qandaı jaǵdaı da qandaı sheshim durys bolady degen maǵynada bilgenderimen bólisti.
Konkýrsty 18 jasar Asqat Jumanov jeńip aldy. Onyń upaı sany ózgelerden joǵary boldy jáne kólik basqarýdy da ol ózgelerden sheber meńgergen bolyp shyqty. Oǵan arnaıy maqtaý qaǵazy tabys etildi. Jyl basynan beri oblystyq halyqqa arnaıy qyzmet kórsetý mekemesiniń bazasynda 8 myń 82 emtıhan ótip, 5 myń 326 júrgizýshi kýáligi tabys etildi.
