Avtomatty apattyq radıomaıaktyń joqtyǵynan MI-8 tikushaǵyn izdestirý uzaqqa sozylyp ketti - QR Bas kólik prokýratýrasy
ASTANA. 29 qarasha. QazAqparat - Tikushaqtyń joǵalý faktisi boıynsha qylmystyq is qozǵaldy, dep habarlady QR Bas kólik prokýratýrasynyń baspasóz qyzmeti.
«Eýrazııa Eır» avıakompanııasyna tıesili Mı-8 tikushaqty izdestirý úshin 54 adamnan qurylǵan arnaıy izdestirý-qutqarý toby quryldy. Іzdestirý jumystaryna 4 tikushaq, sondaı-aq jerústi jáne sý tehnıkasy, jergilikti eldi mekenderdiń turǵyndary jumyldyrylǵan.
Qabyldanǵan sharalar ázirge nátıje bermeı otyr.
Qazirgi ýaqytta QR Kólik jáne kommýnıkatsııa vıtse-mınıstri Azat Bekturovtyń basshylyǵymen izdestirý jáne qutqarý boıynsha úılestirý ortalyǵy jumys isteýde.
Jerústi izdestirý sharalaryn jandandyrý, izdestirý toptaryn arttyrý, áskerı qurylymdardy tartý sheshimi qabyldandy.
«Qazaqstan ǵarysh sapary» UK AQ arqyly izdestirý aýmaǵyn ǵarysh serikteri arqyly túsirýge tapsyrys berildi.
Oryn alǵan oqıǵanyń qoǵamdy alańdatqanyna baılanysty aǵymdaǵy jyldyń 27 qarashasynda tikushaqtyń joǵalý faktisi boıynsha kólik prokýratýrasymen qylmystyq is qozǵaldy.
Qylmystyq isti tekserý kóliktegi ishki ister organyna tapsyryldy. QR ІІM Kóliktegi ishki ister departamenti basshysynyń buıryǵymen jedel-tekserý toby quryldy.
«Tikushaqty izdestirýdiń uzaq ýaqytqa sozylý sebebi áýe kemesinde avtomatty apattyq radıomaıaktyń bolmaýy», - dedi Bas kólik prokýrory Ibraı Tileýǵalıev.
Baqylaý organynyń pikirinshe, barlyq tikushaqtar kem degende bir radıomaıakpen qamtamasyz etilýi tıis, bul halyqaralyq Konventsııaǵa sáıkes keledi. Alaıda bul eldiń qalypty erejesinde oryn tappaǵan.
«Men kólik prokýrorlaryna jedel organmen birlesip Qazaqstannyń aýmaǵynda paıdalanýǵa beriletin barlyq tikushaq parkterin tekserýdi tapsyrdym», - dedi I. Tileýǵalıev.
