Avtomattandyrylǵan dárihana-taratý pýnktiniń qyzmeti pılottyq joba retinde taratylady
TÚRKІSTAN. QazAqparat- Otyrar aýdanyndaǵy avtomattandyrylǵan dárihana-taratý pýnktiniń qyzmeti pılottyq joba retinde taratylady, dep habarlaıdy QazAqparat tilshisi.
QR Densaýlyq saqtaý mınıstri Ajar Ǵınııat Túrkistan oblysyna jumys sapary aıasynda 48 myń adamǵa qyzmet kórsetetin Otyrar aýdanynyń ortalyq aýrýhanasynda boldy. Ol dárigerge deıingi kabınetpen jáne emhananyń jalpy praktıka dárigerleriniń jumysymen tanysty, avtomattandyrylǵan dárihana-taratý pýnktin kórdi.
Bul apparat, eń aldymen, patsıentterge dári-dármekterdi táýliktiń kez kelgen ýaqytynda, medıtsına qyzmetkerleriniń qatysýynsyz óz betinshe alýǵa, adam faktoryn qospaǵanda, ADQ tizbesi boıynsha dári-dármekterdi bólýdegi ashyqtyqty qamtamasyz etýge múmkindik beredi.
Mınıstr tsıfrlandyrý jónindegi qurylymdyq bólimshege osy tájirıbeni zerdeleýdi jáne pılottyq joba retinde engizýdi tapsyrdy.
Foto: uza.uz
