Avtolızıngtiń avtonesıeden nesi artyq — komıtet tóraǵasynyń jaýaby

ASTANA. KAZINFORM — Ónerkásip jáne qurylys mınıstrligi Ónerkásip komıtetiniń tóraǵasy Azamat Panbaev Úkimet otyrysynan keıin ótken baspasóz máslıhatynda avtolızıng qazaqstandyqtarǵa nesimen tıimdi bolatynyn aıtty. 

— Avtolızıngtiń avtonesıeden birinshi aıyrmashylyǵy — múlik lızıng alýshyda emes, berýshiniń menshiginde qalady. Alynǵan lızıng somasy tolyq ótelgenshe kólik lızıng kompanııanyń menshiginde bolady. Lızıng alýshy astyndaǵy kólikti kez kelgen ýaqytta kompanııaǵa baryp aýystyrýǵa múmkindigi bar. Ekinshi artyqshylyǵy — lızıng málimetteriniń nesıe tarıhyna yqpaly az bolady. Lızıngten ótken adamnyń kelisimsharty nesıe tarıhynda eskerilmeıdi, - dedi Azamat Panbaev.

«ForteLeasing» aktsıonerlik qoǵamy basqarma tóraǵasynyń orynbasary Saıat Úrpejanov keshe avtolızıng boıynsha birinshi pılottyq joba ótkenin aıtty.

— Bul jobany biz Allur Group kompanııasymen seriktestik aıasynda jasadyq. Bizdiń negizgi sharttarymyzdy zańdy tulǵalarǵa beriletin lızıng sharttarymen birlestirip jasadyq. 10 paıyz bastapqy jarnasymen, 15 paıyzben úsh jylǵa berildi. Bul zańdy tulǵalarǵa beriletin lızıng shartymen birdeı. Biz halyqaralyq tájirıbeni qaradyq. Olarda jarnasyz da avtolızıng beriledi jáne paıyz mólsherlemeleri de tómendeý. Ári qaraı jetildiremiz. Qazirdiń ózinde birqatar usynys tústi. Onyń bárin Úkimetpen, qaýymdastyqpen birge pysyqtaıdy, — dedi lızıng kompanııasynyń ókili.

Buǵan deıin 1 jeltoqsannan bastap Qazaqstanda kólik lızıngige beriletinin aıtylǵan edi.