Avtokran 12 avtomobıldi qıratyp ketti

ASTANA. QazAqparat - Belarýstaǵy Lıda qalasynda avtokran 12 avtomobıldi zaqymdady. Bul keleńsiz oqıǵa 15 mamyrda kúndiz bolǵan, dep habarlaıdy BELTA Grodnenskaıa Іshki ister basqarmasynyń MAI úgit jáne nasıhat bólimine silteme jasap.

Avtokran júrgizýshisi Lıdadaǵy kásiporyndardyń birine kelgen. Ol joldyń shetine kóligin qoıyp, 10 mınýtqa tastap ketedi. Qaıta kelgende tehnıkasyn ornynan taba almaı qalǵan.

«Qolda bar aqparat boıynsha avtokran ózdiginen jyljyp ketip, joldyń oń qaptalynda turǵan 6 avtomobıldi soqqan. Soqqynyń qatty bolǵany sonshalyq, ol joldyń  qarsy betine  ushyp ketip, kólik qoıatyn oryndaǵy birneshe mashınany qıratqan»,- deıdi MAI qyzmetkerleri. 

Jalpy sany 12 kólik quraly zaqymdandy. Abyroı bolǵanda, basqarýsyz júrip ketken mashınanyń jolynda adamdar bolmaǵan. Oqys oqıǵaǵa baıanysty tekserý júrip jatyr.