Avtokóliktiń VIN-kody týraly neni bilý kerek
ASTANA. KAZINFORM — Ár avtokóliktiń ózindik VIN-kody bolady. Ol kólik quralyn kýálandyrýǵa jáne tehnıkanyń tarıhy jóninde málimetterdi bilýge múmkindik beredi. «Azamattarǵa arnalǵan úkimet» korporatsııasy atalǵan kodtyń avtokólik ıeleri úshin ne sebepti mańyzdy ekenin málimdedi.
Korporatsııanyń habarlaýynsha, VIN-kod — kólik quralyn tirkeý kezindegi eń basty elementterdiń biri.
VIN-kod (Vehicle Identification Number) — bul óndirýshi zaýyt kólik quralyna bir ret qana beretin, 17 tańbadan (áripter men sandardan) turatyn biregeı sáıkestendirý nómiri.
Adamnyń saýsaq izi sııaqty, VIN-kod ta — árbir kólik quraly úshin biregeı.
VIN-kod arqyly mynalardy bilýge bolady:
- kólik óndirýshisi men qurastyrylǵan elin;
- kóliktiń shyǵarylǵan jylyn;
- modelin jáne negizgi tehnıkalyq sıpattamalaryn;
- kóliktiń serııalyq nómirin.
VIN-kodty myna jerlerden tabýǵa bolady:
- kólik quralyn tirkeý týraly kýálikten (tehnıkalyq pasporttan);
- kóliktiń shanaǵynan nemese ramasynan;
- júrgizýshi esiginiń tireýishinen nemese esik oıyǵynan (kólik markasyna baılanysty).
Kólik quralyn qarap-tekserý jáne VIN-kodty tekserý mynadaı jaǵdaılarda júrgiziledi:
- alǵashqy memlekettik tirkeý kezinde (Qazaqstan Respýblıkasynda óndirilgen nemese resmı dılerler ákelgen jańa avtokólikterden basqa);
- shanaǵy, shassıi nemese ramasy aýystyrylǵan kezde;
- kólik quraly qaıta jabdyqtalǵan kezde;
- kóliktiń túsi ózgertilgen kezde;
- tirkeý derekterindegi qatelerdi nemese sáıkessizdikterdi túzetý kezinde.
Aıta keteıik, buǵan deıin Qazaqstanda eń kóp satylǵan avtokólikter belgili bolǵanyn jazǵanbyz.
