Avtokólikterge suranystyń artýy tutynýshylyq belsendiliktiń ósýin kórsetedi - Tımýr Súleımenov

ASTANA. KAZINFORM  - Avtokólikterge suranystyń artýy tutynýshylyq belsendiliktiń ósýin kórsetedi. Bul týraly Ulttyq bank tóraǵasy Tımýr  Súleımenov aıtty.

- Tutynýshylyq belsendilik ulǵaıyp keledi. Bıylǵy sáýirden bastap biz bólshek saýda aınalymynyń keńeıgenin baıqap otyrmyz. Aldyńǵy aılarda belgili bir turaqtanýdan keıin ol shilde aıynda jyldyq 6,6 paıyzdy qurady. Іri zattardy satyp alýǵa, mysaly, avtokólikterge suranystyń artýy tutynýshylyq belsendiliktiń ósýin kórsetedi. Oǵan jeńildik beretin kóptegen baǵdarlamalary bar dılerlerdiń usynysy yqpal etti. Turǵyn úı satyp alýǵa baılanysty mámileler segmentinde de joǵary belsendilik baıqalady, - dedi ol.

Tımýr Súleımenovtiń aıtýynsha, halyqtyń naqty tabysynyń qysqarýynan, naqty jalaqynyń óspeýinen jappaı tutynýshylyq kredıtteýge suranys ósip keledi. Bólip tóleý, marketıngtik aktsııalar men joǵary ınflıatsııalyq kútýler de soǵan sebep bolyp otyr.

- Investıtsııalyq belsendilik joǵary bolyp, bıyl qańtar-shildede 16,1 paıyzǵa ósti. Bul ósim memlekettik jáne jeke ınvestıtsııalardyń jandanýynan boldy. Sonymen qatar jyl basynan beri jalpy ınvestıtsııalar quramyndaǵy bıýdjettik qarajattyń úlesi artqanyn baıqap otyrmyz. Ol 22,4 paıyzdy qurap, ótken jyldyń kórsetkishterinen aıtarlyqtaı joǵary boldy, - dedi UB tóraǵasy.

Buǵan deıin Ulttyq bank bazalyq mólsherlemeni taǵy da 16,5 paıyz deńgeıinde qaldyrǵanyn jazǵan edik.