Elimizdegi kólik sany: Qaı óńirde temir tulpar az
ASTANA. KAZINFORM — Byltyr qazaqstandyq dılerler avtokólik satýdan rekord jańartty.
Elimizdegi eń iri onlaın avto-habarlandyrý platformasynyń málimetinshe, 2024 jyly elimizde 205 111 kólik satylǵan. Bul kórsetkish aldyńǵy jylmen salystyrǵanda 3,2%-ǵa joǵary.
Oǵan qosa Qazaqstannyń avtomobıl naryǵyndaǵy TOP-3 kólik markasy da belgili boldy. Byltyr elimizdegi avtosalondar 44 218 Hyundai kóligin satqan. Ekinshi orynda 30 927 danasy saýdalanǵan Chevrolet markasy. Úzdik úshtikti 23 045 dana satylymmen Kia kóligi túıindeıdi.
Ulttyq statıstıka bıýrosy usynǵan aqparattarǵa súıensek, 2025 jyldyń 1 naýryzyna deıin elimizde 5 791 674 avtokólik tirkelgen. Onyń 5 101 862-si jeńil kólik. Odan bólek 573 659 júk kóligi men 116 153 avtobýs bar.
Avtomobıl sany boıynsha Almaty qalasy kósh basynda. Ońtústik astanada 671 163 kólik tirkelgen. Tizbekti 612 907 mashınamen Almaty oblysy jalǵastyrady. Úshinshi oryn 429 229 kóligi bar Astana qalasyna tıesili. Avtomobıldi eń az qoldanatyn óńir — Ulytaý oblysy. Onda 26 725 kólik tirkelgen.
Qazaqstanda barlyǵy 5 791 674 tirkelgen. Óńirlerge keler bolsaq:
Abaı — 69 493
Aqmola — 241 623
Aqtóbe — 221 886
Almaty — 612 907
Atyraý — 158 783
Batys Qazaqstan — 176 368
Jambyl — 300 445
Jetisý — 79 690
Qaraǵandy — 361 674
Qostanaı — 244 353
Qyzylorda — 178 645
Mańǵystaý — 194 720
Ońtústik Qazaqstan — 147 231
Pavlodar — 213 191
Soltústik Qazaqstan — 178 007
Túrkistan — 333 625
Ulytaý — 26 725
Shyǵys Qazaqstan — 333 648
Astana qalasy — 429 229
Almaty qalasy — 671 163
Shymkent qalasy — 247 552
Dıplomatııalyq nómirler — 52 232
Óńiri kórsetilmegen — 318 484
Elimizdegi temir tulparlardyń 82%-y, naqtyraq aıtsaq, 4 740 115-i benzın tutynady. 412 099 kólik dızel otynymen, 13 356 kólik gazbalonmen júredi. Al 421 232-sy gıbrıdti avtomobılder. Oǵan qosa Qazaqstanda 13 599 elektr mashınalary bar. Qalǵan 188 273 kóliktiń qoldanatyn otyn túri kórsetilmegen.
Eske salaıyq, ótken joly AQSh kólik ımportyna 25% baj salyǵyn engizgenin habarlaǵan edik.
Osy jańalyqtan keıin Tesla aktsııalary 15%-ǵa quldyrady.