Avtokólik terezesin tolyq qarańǵylaýǵa ruqsat berile me – mınıstrlik jaýaby

ASTANA. KAZINFORM – QR ІІM Zań men norma shyǵarmashylyǵyn úılestirý departamentiniń basshysy Renat Zulhaıyrov avtokólikterdiń aldyńǵy búıir terezesin aqyly túrde qarańǵylaýdy zańdastyrý usynysyna pikir aıtty.

- Mınıstrliktiń Zań men norma shyǵarmashylyǵyn úılestirý departamentiniń basshysy retinde aıtarym, bizge osy taqyryp boıynsha buıryq nemese tıisti qujattar kelip túsken joq. Atap aıtqanda, avtokólik terezelerin tolyq qarańǵylaýǵa ruqsat berý jospary joq, - dedi R. Zulhaıyrov Parlament Senatynda tilshiler suraǵyna jaýap bere otyryp.

Eske salsaq, bıyl mamyr aıynda Májilis depýtaty Oljas Quspekov avtokólikterdiń aldyńǵy búıir terezesin aqyly túrde qarańǵylaýdy zańdastyrý týraly usynys aıtty.

Buǵan deıin ІІM kólik terezelerin qarańǵylaý boıynsha talaptardy túsindirgen edi.