Avtokólik sýǵa batyp ketken: Qapshaǵaıda eki áıel qutqaryldy

QONAEV. KAZINFORM — Qapshaǵaı sý qoımasynda jeńil avtokólik muzdy jaryp, sýǵa batyp ketken. Bul jóninde TJM baspasóz qyzmeti habarlady.

«Qapshaǵaı sý qoımasynda jeńil avtokólik muz astyna túsip ketti. Kóliktiń ishinde qıyn jaǵdaıǵa tap bolǵan eki áıel bolǵan. Oqıǵa ornyna TTJM jedel-qutqarý jasaǵynyń qyzmetkerleri dereý jiberildi», delingen TJM habarlamasynda. 

Qutqarýshylar zardap shekkenderge jetýdiń sharalaryn uıymdastyrǵan. Barynsha saqtandyrýdy qamtamasyz etip, muz ústinde jumys isteý úshin arnaıy jabdyqtardy qoldanǵan.

Nátıjesinde kólikten aman-esen shyǵarylǵan eki áıel jaǵaǵa jetkizilip, olarǵa medıtsınalyq kómek sol jerde kórsetilgen.

Eske sala keteıik, jýyrda Pavlodarda qar qursaýynda qalǵan balyqshylar qutqarylǵan edi.