Avtokólik óndirisi týraly zań ázirleý qajet – Oljas Quspekov

ALMATY. KAZINFORM –  Almatyda «QR Halqy kádege jaratý jáne alǵashqy tirkeýge qarsy» petıtsııasyn qaraý jónindegi jumys tobynyń qorytyndylary boıynsha qoǵamdyq tyńdaý ótip jatyr. 

Májilis depýtaty Oljas Quspekov avtokólik jáne aýylsharýashylyq tehnıkalaryn shyǵaratyn zaýyttarda 5 ret kóshpeli otyrys ótkenin málimdedi. Onyń qorytyndysy boıynsha Úkimet tarapynan sheshýdi qajet etetin birneshe másele anyqtaldy.

«Birinshiden, ýtılızatsııany óndiristen ajyratý kerek. Bul – ekologııalyq másele. Osy ótinishterdi qaraý aıasynda biz Indýstrııa mınıstrliginiń ýtılızatsııanyń ne úshin qajet ekenin túsindirip jatqanyn kórdik. Bul – ekologııaǵa qatysty múlde basqa másele, sondyqtan ony tujyrymdamalyq turǵydan da, praktıkalyq turǵydan da bólý qajet», - dep esepteıdi depýtat.

Onyń aıtýynsha, elde qorshaǵan ortany lastaıtyn, qoqysqa toly polıgondar bar. 

«Ýtıl alym júıesine qatysty suraqtar áli de bar. Jınaýǵa jáne ýtılızatsııaǵa qaramastan, bizde áli de qorshaǵan ortany lastaıtyn, qoqysqa toly polıgondar bar. Bul jerde «Jasyl damý» qory óz jumysyn ashyq kórsetip, jaqyn arada qaldyqtardy óńdeıtin zaýyttar jumysynyń nátıjesimen halyqty tanystyrýy kerek dep oılaımyn», - dedi Oljas Quspekov.

Depýtat tehnıkalyq reglamentke qatysty suraqtar bar ekenin de tilge tıek etti.

«Elde tehnıkalyq reglamentke saı kelmeıtin kólikter qalaı paıda bolady? Bul – amerıkalyq óndirýshiler, bul qazirgi ýaqytta naryqta bar oń jaq rýldi kólikter. Bul jol-kólik apattaryn arttyrady jáne ólim-jitimdi kóbeıtedi. Sondyqtan damyǵan elderdiń tájirıbesine súıene otyryp, avtokólik óndirisi týraly zańdy ázirleý qajet», - dedi ol.