Avtokólik óndiretin kásiporyndar tsıfrlandyrylyp jatyr — Ersaıyn Naǵaspaev
ASTANA. KAZINFORM — Úkimet otyrysynda Ónerkásip jáne qurylys mınıstri Ersaıyn Naǵaspaev avtokólik óndirisi salasyn tsıfrlandyrý barysy jóninde málimdedi.
— Qazir elimizde jeńil avtomobılder, avtobýstar, júk jáne arnaıy tehnıka shyǵaratyn 11 kásiporyn jumys isteıdi. Memleket basshysynyń tapsyrmasyna sáıkes, bul óndiristerde jasandy ıntellekt pen tsıfrlyq tehnologııalardy engizý jumystary júrgizilip jatyr. Máselen, qaýipsizdikti jedel basqarýǵa arnalǵan jasandy ıntellektke negizdelgen ahýaldyq ortalyq iske qosyldy, — dedi ol.
Mınıstrdiń sózinshe, ıntellektýaldy platforma beınekameralardan, datchıkterden jáne aqparattyq júıelerden kelip túsetin derekterdi taldap, syn-qaterlerdi, tótenshe jaǵdaılardy jáne aýytqýlardy jedel anyqtap, olardy ýaqytyly joıýǵa múmkindik beredi.
— Sonymen qatar dánekerleý jumystarynyń sapasyn avtomatty túrde baqylaýǵa arnalǵan taldaý júıeleri qoldanylady. Óndiristik protsesterdi naqty ýaqyt rejıminde modeldeý jáne ońtaılandyrý úshin digital twins paıdalanylady, — dedi ol.
Aıta keteıik, buǵan deıin Qazaqstan men Chehııa ortaq avtokólik óndirisin qalaı damytyp jatqanyn jazǵanbyz.
