Avtokóliktiń aınasyn urlaıtyndar Shymkentten de ustala bastady
ShYMKENT. QazAqparat - Shymkentte polıtseıler avtokólik aınasyn urlaýmen aınalysqan Almaty qalasynyń turǵynyn ustady. Sezikti avtoturaqta turǵan «Leksýs» avtokóliginiń eki jaqtaýyndaǵy aınasyn qorapshasymen birge urlap ketken, dep habarlaıdy QazAqparat.
Kúdiktini ustaýǵa qala turǵynynyń polıtsııaǵa jazǵan aryzy negiz bolǵan. Kólik ıesiniń aıtýynsha, eki aınany jasyryn urlaǵandar 500 myń teńge materıaldyq shyǵyn keltirgen. Osydan keıin Túrkistan oblysynyń Krımınaldyq polıtsııa basqarmasy qyzmetkerleri jedel izdestirý is-sharalaryn júrgizip, seziktini qolǵa túsirdi.
«Kúdikti qamaýǵa alyndy. Atalǵan jaıt boıynsha QR QK-niń «Urlyq» babymen sotqa deıingi tergeý amaldary júrgizilýde. Polıtseıler ustalǵan kúdiktiniń avtokóliktiń aınasyn urlaýdyń taǵy bir jaıtyna qatysy baryn anyqtady. Jábirlenýshilerge keltirilgen shyǵyn kólemi mıllıon teńgege jýyq bolyp otyr», delingen Túrkistan oblystyq ІІD baspasóz qyzmetiniń habarlamasynda.
