Avtokólikti zańsyz ıemdengen toptyń 25 qylmystyq áreketteri áshkerelendi
ASTANA. 3 qarasha. QazAqparat /Rýslan Ǵabbasov/ - Aldyn-ala tergeý barysynda Almaty qalasynda jáne Almaty oblysynda avtokólikti zańsyz ıemdengen toptyń 25 qylmystyq fakitileri áshkerelendi. Bul týraly búgin aptalyq brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti.
«Ótken aptadaǵy biz Almatynyń jáne Almaty oblysynyń aýmaqtarynda tanymal markaly avtokólikterdi urlaýmen aınalysqan bes adamnan quralǵan toptyń ustalǵany týraly habarlaǵan bolatynbyz. Kúdiktilerdiń turǵylyqty jeri boıynsha tekserý barysynda atys qarýy, jol polıtsııasy qyzmetkeriniń nysandy kıimi, betperdeler, sondaı-aq kólikterdi ashý jáne aıdap áketýge arnalǵan quraldar tárkilendi»,-dedi ol.
Sonymen qatar polıtsııa qyzmetkerleri urlanǵan tórt kóliktiń turǵan jerin anyqtap, urlanǵan avtomashınalardy satyp alýshylardy ustady.
«Aldyn ala tergeý barysynda osy toptyń avtokólik quraldaryn zańsyz ıemdenýine baılanysty 25 qylmys jasaǵany áshkerelendi»,-dedi Q. Jumanov. Barlyǵy 13 avtokólik, onyń ishinde «Mersedes» markaly 9 avtomashına, úsh djıp jáne bir Nıssan Mýrano Krossoveri tárkilendi. «Jábirlenýshilerdi anyqtaý boıynsha izdeý is-sharalary júrgizilýde. Ustalǵandardyń osyǵan uqsas ashylmaǵan qylmystarǵa qatysy baryn tekserý jalǵasýda»,-dedi departament bastyǵy.
