Avtokólikti endi aýyldaǵy HQO-larda tirkeýge bolady
ASTANA. QazAqparat - Aýyl turǵyndaryna yńǵaıly bolý úshin Halyqqa qyzmet kórsetý ortalyqtarynyń aýdandyq bólimshelerine ákimshilik polıtsııa tirkeý-emtıhan alý bólimsheleriniń qyzmetkerleri ornalastyryldy, dep habarlaıdy QazAqparat agenttigi «Azamattarǵa arnalǵan úkimet» korporatsııasynyń baspasóz qyzmetine silteme jasap.
Olar pılottyq rejimde kólikti tirkeý men júrgizýshi kýáligin aýystyrý úshin qujattardy qabyldaıdy. Jańa júıeniń artyqshylyqtaryn Qaraǵandy oblysy Osakarovka aýdanynyń jáne Soltústik Qazaqstan oblysy Taıynsha aýdanynyń turǵyndary alǵashqylardyń biri bolyp baǵalaı alady.
QR ІІM Ákimshilik polıtsııasy Tirkeý-emtıhan alý bólimsheleriniń qyzmetkerlerin aýdandyq HQO-larǵa ornalastyrý jumystary QR Premer-Mınıstriniń orynbasary Asqar Jumaǵalıev tóraǵalyq etetin vedomstvoaralyq komıssııa sheshimimen júzege asyrylýda. Bul usynysty Memlekettik qyzmet isteri jáne sybaılas jemqorlyqqa qarsy is-qımyl agenttigi janyndaǵy arnaıy monıtorıng toby aýdandyq tirkeý-emtıhan alý bólimshelerin tekserý nátıjesinde jasaǵan. Jaqyn arada joba aıasynda Qazaqstannyń 9 óńirinde «Azamattarǵa arnalǵan úkimet» memlekettik korporatsııasynyń taǵy 21 front-ofısi iske qosylmaq.
Jańa júıe júrgizýshi kýálikterin aýystyrýǵa jáne avtokólik quraldaryn tirkeý jumystaryn aıtarlyqtaı jeńildetedi. Budan bylaı kólik tizgindeýshiler oblys ortalyǵyndaǵy arnaıy HQO-ǵa nemese ishki ister organdaryna baryp júrmeıdi. Alaıda, bul jobanyń alǵashqy kólik júrgizý kýáligin berýge qatysy joq.
Osakarovka aýdanynyń №1 halyqqa qyzmet kórsetý ortalyǵy Osakarovka kentiniń Prıstantsıonnaıa kóshesinde, 12-úıde oranalsqan. Taıynsha aýdandyq HQO mekenjaıy - Qazaqstan Konstıtýtsııasy kóshesi, 208-úı.
Eske sala ketsek, 2012 jyldan beri Qazaqstan azamattaryna júrgizýshi kýálikterin berý jáne kólikti tirkeý boıynsha memlekettik qyzmetter bir tereze qaǵıdaty boıynsha kórsetilip keledi. Búginde elimizde 14 arnaıy HQO men 3 sektor jumys isteıdi. Jyl sońyna deıin Atyraý jáne Batys Qazaqstan oblystarynda arnaıy HQO-lardy ashý josparlanǵan.
«Azamattarǵa arnalǵan úkimet» memlekettik korporatsııasynyń tirkeý-emtıhan alý bólimsheleriniń qyzmetkerleri ornalastyrylǵan keńseleri:
1. Aqmola oblysy Tselınograd aýdanyndaǵy №1 HQO bólimshesi;
2. Aqmola oblysy Jarqaıyń aýdanyndaǵy HQO bólimshesi;
3. Aqmola oblysy Esil aýdanyndaǵy HQO bólimshesi;
4. Aqmola oblysy Atbasar aýdanyndaǵy HQO bólimshesi;
5. Aqmola oblysy Aqkól aýdanyndaǵy HQO bólimshesi;
6. Aqmola oblysy Stepnogorsk qalasyndaǵy HQO bólimshesi;
7. Almaty oblysy Eńbekshiqazaq aýdanyndaǵy HQO bólimshesi;
8. Jambyl oblysy Talas aýdanyndaǵy HQO bólimshesi;
9. Jambyl oblysy Sarysý aýdanyndaǵy HQO bólimshesi;
10. Pavlodar oblysy Aqsý qalasyndaǵy HQO bólimshesi;
11. Batys Qazaqstan oblysy Bórili aýdanyndaǵy HQO bólimshesi;
12. Batys Qazaqstan oblysy Qaztalov aýdanyndaǵy HQO bólimshesi;
13. Shyǵys Qazaqstan oblysy Jarma aýdanyndaǵy HQO bólimshesi;
14. Atyraý oblysy Jylyoı aýdanyndaǵy HQO bólimshesi;
15. Qyzylorda oblysy Qazaly aýdanyndaǵy HQO bólimshesi;
16. Qyzylorda oblysy Jalaǵash aýdanyndaǵy HQO bólimshesi;
17. Qyzylorda oblysy Aral aýdanyndaǵy HQO bólimshesi;
18. Qyzylorda oblysy Jańaqorǵan aýdanyndaǵy HQO bólimshesi;
19. Qyzylorda oblysy Qarmaqshy aýdanyndaǵy HQO bólimshesi;
20. Qyzylorda oblysy Shıeli aýdanyndaǵy HQO bólimshesi;
21. Ońtústik Qazaqstan oblysy Saıram aýdanyndaǵy HQO bólimshesi;
22. Ońtústik Qazaqstan oblysy Túrkistan aýdanyndaǵy HQO bólimshesi;
23. Qaraǵandy oblysy Osakarovka aýdanynyń №1 HQO bólimshesi.
