Avtokólikterdiń dońǵalaqtaryn urlaýmen aınalysqan jasóspirimder ustaldy
ASTANA. Naýryzdyń 9-y. QazAqparat /Marlan Jıembaı/ - Elordada avtokólikterdiń dońǵalaqtaryn urlaýmen aınalysqan kámilettik jasqa tolmaǵan jasóspirimder ustaldy. Astana qalalyq ishki ister departamenti memlekettik jáne aqparat bóliminiń habarlaýynsha, qazirgi ýaqytta atalǵan is boıynsha tergeý amaldary júrgizilýde.
Oqıǵa naýryzdyń 7-inen 8-ine qaraǵan túni oryn alyp, krımınaldyq polıtseılerdiń jedel is-áreketiniń arqasynda kámilettik jasqa tolmaǵan úsh elordalyq jasóspirim quryqtaldy. Olardyń bireýi buǵan deıin de isti bolǵan. Tergeý amaldary barysynda bul jasóspirimderdiń osyǵan uqsas basqa da urlyqtarǵa qatysy bar ekendigi anyqtaldy.
Atalǵan is boıynsha Almaty aýdandyq ІІB Tergeý basqarmasy QR QK 175-shi babyna sáıkes qylmystyq is qozǵady. Bul bap 3 jyldan 10 jylǵa deıingi merzimge bas bostandyǵynan aıyrý jazasyn qarastyrady.
